ఈ బుడతడు ఎవరో గుర్తు పట్టారా? 

ఇక ఇప్పుడు సోషల్ మీడియాలో ఓ ట్రెండ్ బాగా నడుస్తోంది. అదేంటంటే స్టార్స్ చైల్డ్ హుడ్ పిక్స్ సేకరించి సోషల్ మీడియాలో పోస్ట్ చేస్తూ వీరు ఎవరో గుర్తు పట్టండి అంటూ ప్రశ్నిస్తున్నారు. అలాంటి ఫోటోలకు మంచి రెస్పాన్స్ వస్తూ ఇంట్రెస్టింగ్ గా అనిపిస్తుంది.

తాజాగా ఒక బుడతడి ఫోటో సోషల్ మీడియాలో వైరల్ అవుతోంది. అతను ఎవరో మీరు గుర్తు పట్టారా? సరిగా చూసి చెప్పండి. అవును మీరు గెస్ చేసింది నిజమే. ఆయన జూనియర్ ఎన్టీఆర్. తెలుగు స్టార్ హీరో జూనియర్ ఎన్టీఆర్ గురించి తెలుగు వారికే కాదు ఇప్పుడు ఇండియన్ లెవల్లో కూడా ఎవరికీ ప్రత్యేకంగా పరిచయం చేయాల్సిన అవసరం లేదు. ఆంధ్రుల ఆరాధ్య దైవంగా అనేక మంది భావించే నందమూరి తారకరామారావు మనవడిగా, నందమూరి హరికృష్ణ కుమారుడిగా సినీ రంగ ప్రవేశం చేసిన ఎన్టీఆర్ అతి తక్కువ కాలంలోనే తనకంటూ ప్రత్యేకమైన క్రేజ్ దక్కించుకున్నాడు.

అతి తక్కువ వయసులోనే హీరోగా మారిన ఎన్టీఆర్ చిన్నప్పటి నుంచి కష్టపడి పని చేస్తాడు అనే పేరు ఉంది. బ్రహ్మర్షి విశ్వామిత్ర అనే సినిమాలో భరతుడి పాత్ర ద్వారా సినీ రంగ ప్రవేశం చేసిన ఎన్టీఆర్ తర్వాత బాల రామాయణం సినిమాతో మరోసారి ప్రేక్షకులకు కనువిందు చేశాడు. డిగ్రీ వరకు కూడా వెళ్లకుండా సినిమాల్లోకి ఎంట్రీ ఇచ్చి ఎన్టీఆర్ తనకంటూ సినీ పరిశ్రమలో ప్రత్యేకమైన అధ్యాయాన్ని సృష్టించుకునే ప్రయత్నం చేశాడు.

ముందు నుంచి ఫ్యామిలీ సపోర్ట్ లభించకపోయినా తన ప్రయత్నాలతోనే ఎన్టీఆర్ నిలబడ్డాడని ఆయన అభిమానులు చెబుతూ ఉంటారు. నిన్ను చూడాలని అనే సినిమాతో హీరోగా పరిచయమైన ఎన్టీఆర్ ఆ సినిమా హిట్ అవ్వకపోయినా తర్వాత చేసిన స్టూడెంట్ నెంబర్ వన్ సినిమాతో మాత్రం భారీ హిట్ అందుకున్నాడు. తర్వాత సుబ్బు అనే సినిమా పెద్దగా అలరించకపోయినా ఆది, అల్లరి రాముడు, సింహాద్రి ఇలా వరుస సినిమాలు చేస్తూ హిట్లు కొడుతూ ప్రేక్షకులకు మరింత దగ్గరవుతూ వెళ్ళాడు.

ఇక కొన్నాళ్ల పాటు ఆయనని వరుస సినిమాలు ఫ్లాపులు అవుతూ ఇబ్బంది పెట్టినా తన కష్టాన్నే నమ్ముకుని కథల సెలక్షన్ మీద దృష్టి పెట్టి ఇప్పుడు టాప్ హీరోగా నిలబడ్డాడు. ఇక గత ఏడాది రాజమౌళి దర్శకత్వంలో ఎన్టీఆర్ చేసిన ఆర్ఆర్ఆర్ సినిమా ప్రపంచవ్యాప్తంగా మంచి గుర్తింపు తీసుకొచ్చింది. అసలు విషయం ఏమిటంటే తాజాగా ఎన్టీఆర్ చిన్నప్పటి ఫోటో ఒకటి వైరల్ అవుతుంది. అందులో ఎన్టీఆర్ పక్కన ఉన్న వారెవరో తెలియదు కానీ ఎన్టీఆర్ చాలా చిన్నపిల్లాడిలా కనిపిస్తున్నాడు. మా హీరో చిన్నప్పుడు భలే క్యూట్ ఉన్నాడు రోయ్ అంటూ ఆయన అభిమానులు కామెంట్ చేసుకుంటున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.