వ‌ర్మ పొగుడుతూనే సెటైర్ వేస్తున్నారా?

వివ‌వాదాస్ప అంశాల‌తో సినిమాలు తీస్తూ వివాదాల‌కు కేరాఫ్ అడ్ర‌స్ గా మారిన ద‌ర్శ‌కుడు రామ్ గోపాల్ వ‌ర్మ‌. ప్ర‌స్తుతం తెలంగాణకు చెందిన కొండా ముర‌ళీధ‌ర్‌రావు, కొండా సురేఖ‌ల జీవిత క‌థ ఆధారంగా `కొండా` చిత్రాన్ని తెర‌కెక్కిస్తున్నారు. వివాదాల మ‌ధ్య ఈ మూవీని త్వ‌ర‌లోనే థియేట‌ర్ల‌లో రిలీజ్ చేయ‌డానికి ఏర్పాట్లు చేస్తున్నారు. ఇదిలా వుంటే మ‌రోసారి ప‌వ‌న్ క‌ల్యాణ్ ని టార్గెట్ చేశారు రామ్ గోపాల్ వ‌ర్మ‌. గ‌తంలో ప‌వ‌న్ ని టార్గెట్ చేసి అల్లు అర‌వింద్ చేత చీవాట్లు తిన్న వ‌ర్మ మ‌ళ్లీ అదే ప‌నికి పూనుకున్న‌ట్టుగా తెలుస్తోంది.

ప‌వ‌న్ క‌ల్యాణ్‌, చిరంజీవిల‌ని టార్గెట్ చేస్తూ గ‌తంలో శ్రీ‌రెడ్డిని అడ్డంపెట్టుకుని వ‌ర్మ చేసిన ర‌చ్చ అంతా ఇంతా కాదు. ఇప్పుడు కూడా అదే త‌ర‌హా స్ట్రాట‌జీని వాడుతున్నాడా? అనే అనుమానాలు క‌లుగుతున్నాయి. `పుష్ప‌` చిత్రాన్ని, అంతదులో న‌టించిన బ‌న్నీని మెగాస్టార్ అని పొగుడుతూ మెగా ఫ్యామిలీపై అనుచిత వ్యాఖ్య‌లు చేసిన వ‌ర్మ తాజాగా మ‌రోసారి అదే త‌ర‌హాలో కామెంట్ ల‌కు దిగ‌డం ప‌లువురు సినీ సినీప్రియుల్ని ఆశ్చ‌ర్యానికి గురిచేస్తోంది.

తాజాగా వ‌ర్మ క‌న్ను ప‌వ‌ర్ స్టార్ ప‌వ‌న్ క‌ల్యాణ్ న‌టించిన `భీమ్లా నాయ‌క్‌` పై ప‌డింది. ఈ సినిమాని అడ్డం పెట్టుక‌ని వ‌ర్మ మ‌రోసారి ప‌వ‌న్ క‌ల్యాణ్ పై వ‌రుస ట్వీట్ లు చేయ‌డం మొద‌లుపెట్టారు. `ప‌వ‌న్ క‌ల్యాణ్ గారూ.. ఆ రోజు `సర్దార్ గబ్బర్ సింగ్` ని హిందీలో రిలీజ్ చెయ్యొద్దు వర్కవుట్ అవ్వదు, అని ఈ ట్విట్టర్ సాక్షిగా ఎంత మొత్తుకున్నా మీరు వినలేదు.. ఫలితం చూసారు...ఇప్పుడు మళ్లీ చెప్తున్నా .. `భీమ్లా నాయక్` ఏ మాత్రం తగ్గకుండా పాన్ ఇండియా రిలీజ్ చెయ్యండి..పవర్ ప్రూవ్ చెయ్యండి.

`పుష్ప` యే అంత చేస్తే పవర్ స్టార్ ప‌వ‌న్ క‌ల్యాణ్ అయిన మీరు నటించిన `భీమ్లా నాయక్` ఇంకా ఎంత కలెక్ట్ చెయ్యాలి? .. పాన్ ఇండియా సినిమా లాగా రిలీజ్ చెయ్యకపోతే మీ ఫ్యాన్స్ అయిన మేమంతా బన్నీ ఫ్యాన్స్ కి ఆన్సర్ చెయ్యలేము.. అల్లు అర్జున్ గురించి నా ట్వీట్స్ అన్నీ నా వోడ్కా టైం లో పెట్టాను కానీ నేను ఇప్పుడు పెట్టిన ఈ ట్వీట్స్ నా కాఫీ టైం లో పెడుతున్నా. దీన్ని బట్టి నా సీరియస్ నెస్ ని అర్థం చేసుకోండి ప‌వ‌న్ క‌ల్యాణ్.

ఎప్పుడో మీ తర్వాత వచ్చిన పిల్లలు తార‌క్‌, రామ్ చ‌ర‌ణ్ కూడా పాన్ ఇండియా స్టార్స్ అయిపోతూ ఉంటే, మీరు ఇంకా ఒట్టి తెలుగు ని పట్టుకుని వేలాడటం మీ ఫ్యాన్స్ అయిన మాకు కన్నీటి ప్రాయంగా ఉంది. దయచేసి `భీమ్లా నాయక్` ని పాన్ ఇండియా తీసుకెళ్ళి మీరే సబ్కా బాప్ అని ప్రూవ్ చెయ్యండి ఇంటీరియర్ ఆంధ్ర లో జరిగిన పుష్ప సబ్జెక్ట్ పాన్ ఇండియా సబ్జెక్ట్ అయినప్పుడు, కొమరం భీమ్, అల్లూరి లాంటి తెలుగు వీరుల సబ్జెక్ట్ పాన్ ఇండియా అయినప్పుడు, `భీమ్లా నాయక్` సబ్జెక్ట్ పాన్ వరల్డ్ సబ్జెక్ట్ కాదంటారా ప‌వ‌న్ క‌ల్యాణ్ గారూ??? ఓట‌మి అనే భ‌యం మ‌న వైఫల్యాన్ని నిర్ధారిస్తుంది` అంటూ వ‌ర్మ పెట్టిన పోస్ట్ లు ఇప్పుడు నెట్టింట వైర‌ల్ గా మారాయి.

బ‌న్నీని వొడ్కా తాగుతూ పొగిడాన‌ని, మిమ్మ‌ల్ని మాత్రం కాఫీ తాగుతూ పొగుడుతున్నాన‌ని వ‌ర్మ చేసిన వ్యాఖ్య‌లు ఇప్పుడు ప‌వ‌ర్ స్టార్ అభిమానుల్ని ఆగ్ర‌హానికి గురిచేస్తున్నాయి. పొగుడుతూనే వ‌ర్మ.. ప‌వ‌న్ క‌ల్యాణ్ పై సెటైర్లు వేస్తున్న తీరు ఆగ్ర‌హాన్ని తెప్పిస్తోంది. మీ త‌రువాత వ‌చ్చిన పిల్ల‌లు పాన్ ఇండియా స్టార్స్ అయిపోతుంటే మీరింకా తెలుగుని ప‌ట్టుకుని వేళాడుతుండ‌టం ఓ అభిమానిగా నాకు న‌చ్చ‌డం లేద‌ని వ‌ర్మ వ్యంగ్యంగా మాట్లాడ‌టంతో త‌ను మ‌ళ్లీ ఏదో ఆశించే ఇలా చేస్తున్నాడ‌ని ఇండ‌స్ట్రీ వ‌ర్గాల్లో చ‌ర్చ మొద‌లైంది. దీనికి ప‌వ‌న్ ఫ్యాన్స్ ఎలా రియాక్ట్ అవుతారో చూడాలి.