గొప్ప దర్శకుడి కంట్లో బాహుబలి సీన్!

తెలుగు సినిమాను గొప్ప మలుపు తిప్పి అంతర్జాతీయ స్థాయిలో గుర్తింపు తెచ్చిన వాటిలో బాహుబలిది ఎప్పటికీ ప్రత్యేక స్థానం. ఒక సీక్వెల్ మొదటి భాగం కంటే ఎక్కువ విజయం సాధించడం కూడా బహుశా ఇండియన్ ఫిలిం హిస్టరీలో బహుశా దీనికి ఒక్కటే జరిగి ఉంటుంది. ఇప్పటికీ టీవీలో ప్రసారమైన ప్రతి సారి భారీ రేటింగ్స్ సాధిస్తున్న బాహుబలిని విదేశాల్లో అందులోనూ యుఎస్ కెనడా లాంటి కంట్రీస్ లో మిస్ అయిన వాళ్ళు ఇప్పుడు నెట్ ఫ్లిక్స్ పుణ్యమా అని హ్యాపీగా చూసేస్తున్నారు.

అందులో ఒకరు స్కాట్ డెరిక్సన్. డాక్టర్ స్ట్రేంజ్ లాంటి అల్టిమేట్ ఎంటర్ టైనర్ తీసిన దర్శకుడిగా ఈయన అందరికి సుపరిచితుడే. ఇటీవలే ఆన్ లైన్ బాహుబలి రెండు భాగాలూ చూసిన ఈయన దీని ప్రత్యేకంగా ప్రస్తావిస్తూ ట్రోల్ కు గురైన ఓ సీన్ గురించి ప్రత్యేకంగా ప్రస్తావించారు. బాహుబలి 2 క్లైమాక్స్ లో కొబ్బరి చెట్లను ఉపయోగించి తనతో సహా సైనికులందరినీ బాహుబలి శత్రువు కోటలోకి దూసుకెళ్ళే సన్నివేశం అప్పట్లో సోషల్ మీడియాలో బాగా ట్రోల్ అయ్యింది. గ్రావిటీ సూత్రాలను మరీ అపహాస్యం చేసేలా ఉందని కొందరు నెటిజన్లు బాగా కౌంటర్లు వేశారు. ఇందులో కొందరు ఫారినర్స్ కూడా లేకపోలేదు.

కాని స్కాట్ మాత్రం ప్రత్యేకంగా ఈ సీన్ వీడియోను షేర్ చేసుకుంటూ మరీ మెచ్చుకోవడం విశేషం. ఫాంటసీ సినిమాల్లో లాజిక్ వెతక్కూడదు అనే ప్రాధమిక సూత్రాన్ని మర్చిపోయి మరీ ఎగతాళి చేసిన వాళ్ళకు స్కాట్ సమాధానం ఇచ్చారనే చెప్పాలి. మన బంగారం మన కంటికి ఆనదు అనే టైపు లో పక్కవాళ్ళు మెచ్చుకుంటే కాని మన గొప్పతనం ఏంటో తెలుసుకోలేని స్థితిలో ఉన్నామన్న మాట.


వీడియో కోసం క్లిక్ చేయండి