అలా చేస్తే ప్రభాస్ కు మైనస్ అయ్యేదట

పాన్ ఇండియా హీరో ప్రభాస్.. ఆదిపురుష్ సినిమాతో బాలీవుడ్ డెబ్యూ చేయనున్న సంగతి తెలిసిందే. అయితే ప్రతిష్టాత్మకంగా భారీ బడ్జెట్ తో రూపొందిస్తున్న ఆదిపురుష్ సినిమాలో ప్రభాస్ శ్రీరాముడి పాత్రలో కనిపించనున్నాడు. అయితే రాముడు సోదరుడు లక్ష్మణుడు పాత్రలో ఎవరు నటిస్తారనే విషయం పై ఎన్నో ఊహగానాలు ప్రచారం అయ్యాయి. రామాయణం ఆధారంగా ఈ పురాణ పౌరాణికగాథలో నేషనల్ అవార్డు విన్నర్, బాలీవుడ్ స్టార్ విక్కీకౌషల్ లక్ష్మణుడి పాత్రలో నటించనున్నట్లు సోషల్ మీడియాలో వార్తలు నాన్ స్టాప్ చక్కర్లు కొట్టాయి. కానీ చివరిగా ఈ భారీ సస్పెన్స్ కు తెరదించుతూ.. ఆదిపురుష్ మేకర్స్ లక్ష్మణుడుగా యువనటుడు సన్నీ సింగ్ ను ఖరారు చేశారు.

సన్నీ సింగ్ కూడా టాలెంటెడ్ యాక్టరే. ప్యార్ కా పంచనామా, సోను కే టిటు కి స్వీటీ లాంటి సూపర్ హిట్ సినిమాలలో నటించాడు. టీవీ నటుడిగా కెరీర్ ప్రారంభించిన సన్నీ.. 'కసౌటి జిందగీ కే' అనే హిట్ సోప్ ఒపెరాలో కూడా నటించాడు. అయితే ఆదిపురుష్ సినిమాలో లక్ష్మణుడుగా సన్నీ సంతకం చేయడం పై టాలీవుడ్ అభిమానులు నిరాశకు గురయ్యారట. ఎందుకంటే విక్కీకౌశల్ లాంటి స్టార్ యాక్టర్ అయితే ఈ సినిమాకు మరింత క్రేజ్ పెరిగేదని వారు భావిస్తున్నారట. కానీ ఆదిపురుష్ మేకర్స్ మాత్రం ఇవన్నీ దృష్టిలో పెట్టుకొనే సన్నీని సెలెక్ట్ చేసినట్లు తెలుస్తుంది. ఎలాగంటే.. ప్రభాస్ బాలీవుడ్ డెబ్యూ సినిమాకే విక్కీకౌశల్ లాంటి స్టార్ బాలీవుడ్ యాక్టర్ ను తీసుకొస్తే క్రెడిట్ అంతా అతనికే దక్కే అవకాశం ఉంది. అదే ఇప్పుడైతే ప్రభాస్ హైలైట్ అవుతాడని మేకర్స్ భావిస్తున్నారు. ఈ సినిమాలో రావణుడుగా సైఫ్ అలీఖాన్ నటిస్తుండగా.. సీత పాత్రలో కృతిసనన్ నటిస్తుంది. ఓం రౌత్ దర్శకత్వం వహిస్తున్నాడు.