లాయర్ పాపకి తెలుగు సినిమాలు లేవా..?

సినిమా హీరోయిన్ అయినంత మాత్రానా కెరియర్ సెట్ అయినట్టు కాదు అందుకే కొందరు హీరోయిన్స్ ఓ పక్క సినిమాలు చేస్తూనే మరోపక్క తమకు ఇష్టమైన వేరే కెరియర్ మీద దృష్టి పెడతారు. సినిమాల్లో హీరోయిన్ గా క్లిక్ అయితే ఓకే ఒకవేళ అవకపోతే మాత్రం వేరే దానికి షిఫ్ట్ అవుతారు. ఒకప్పటిలా కేవలం సినిమా హీరోయిన్ గా చేయాలనే ఆలోచన ఉన్న వారు ఎవరు లేరు. అందుకే ప్రొఫెషనల్ గా ఒక కెరీర్ ని సెట్ చేసుకుని సినిమాలను పార్ట్ టైం గా చేస్తున్నారు. అలాంటి వారిలో నేల టిక్కెట్టు భామ మాళవిక శర్మ ఒకరు. మోడల్ గా కెరియర్ మొదలు పెట్టి హీరోయిన్ గా టర్న్ తీసుకున్న మాళవిక శర్మ తనకు ఇష్టమైన లా కోర్స్ ని పూర్తి చేసింది.

ఎల్.ఎల్.బి పూర్తి చేసిన మాళవిక శర్మ బార్ కౌన్సిల్ లో మెంబర్ షిప్ కూడా సంపాదించింది. మాస్ మహరాజ్ రవితేజతో నేల టిక్కెట్టు సినిమాతో హీరోయిన్ గా ఛాన్స్ అందుకున్న మాళవిక ఆ సినిమా ఫ్లాప్ అవడంతో పెద్దగా అవకాశాలు తెచ్చుకోలేదు.

రామ్ రెడ్ సినిమాలో కూడా నటించినా ఆమె కెరియర్ కు పెద్దగా యూజ్ అవలేదు. టాలీవుడ్ లో అవకాశాలు లేని మాళవిక బాలీవుడ్ లో అడపాదడపా ఛాన్సులు అందుకుంటుంది. మాళవిక శర్మ ప్రస్తుతం సల్మాన్ ఖాన్ నటిస్తున్న కిసి కా భాయ్ కిసి కి జాన్ సినిమాలో నటిస్తుంది. ఈ మూవీలో విక్టరీ వెంకటేష్ కూడా నటిస్తున్న విషయం తెలిసిందే.

బ్యూటిఫుల్ లుక్స్.. సూపర్ టాలెంట్ ఉన్నా సరే మాళవికకు తెలుగులోం ఆఫర్లు కరువయ్యాయి. చేతిలో సినిమాలు ఏవి లేకపోయినా తన గ్లామ షోతో ఆడియన్స్ దృష్టిని ఆకర్షిస్తుంది మాళవిక. ముఖ్యంగా తన ఫోటో షూట్స్ తో రోజు రోజుకి ఫాలోవర్స్ ని పెంచుకుంటుంది.

హీరోయిన్స్ కి కెరియర్ లో మొదటి సినిమా ఇంప్యాక్ట్ చాలా బలంగా ఉంటుంది. అయితే నేల టిక్కెట్టు ఒక్క సినిమాతో మాళవిక హీరోయిన్ గా అన్ ఫిట్ అని తేల్చి చెప్పడం కరెక్ట్ కాదు. అమ్మడికి ఒక ఛాన్స్ ఇచ్చి చూడాలని అంటున్నారు ఆమె ఫాలోవర్స్.

సినిమా ఛాన్సులు ఎలాగు లేవని తన గ్లామర్ షోతో ఓ రేంజ్ లో రెచ్చిపోతుంది మాళవిక. మరి ఇంత అందగత్తెని ఇండస్ట్రీ ఎందుకు గుర్తించట్లేదా అని నెటిజెన్లు కామెంట్స్ చేస్తున్నారు. ప్రస్తుతం వరుస ఛాన్సులు అందుకుంటున్న చాలామంది హీరోయిన్స్ కన్నా మళవిక చాలా బెటర్ అని అంటున్నారు. మరి అమ్మడికి బ్యాడ్ లక్ బై బై చెప్పి కెరియర్ లో గుడ్ లక్ ఎప్పుడు తగులుతుంది అన్నది చూడాలి. లాయరమ్మకి సినిమా అవకాశాలు లేకపాయే అంటూ కొందరు ఆకతాయిలు ఆమెపై కామెంట్స్ చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.