సినిటోగ్రాఫర్ డైరక్షన్ లో యంగ్ హీరో

మరికొన్ని రోజుల్లో ఛలో సినిమాతో రాబోతోన్న యువ హీరో నాగ శౌర్య మరో సినిమాను స్టార్ట్ చేశాడు. ఆ సినిమాకే కెమెరామెన్ గా వర్క్ చేస్తోన్న సాయి శ్రీరామ్ దర్శకత్వంలో కొత్త సినిమాను చేస్తుండడం స్పెషల్. డైరెక్టర్ ఆఫ్ ఫోటోగ్రఫీ గా కొన్ని సినిమాలతో తనకంటూ మంచి గుర్తింపు తెచ్చుకున్న సాయి ఇప్పుడు డైరెక్టర్ గా మారుతుండడం చాలా హ్యాపీగా ఉందని హీరో నాగ శౌర్య తెలిపాడు.

ఇంతకుముందు ఈ DOPగా సుప్రీమ్ - ఎక్కడికి పోతావు చిన్నావడా అలాగే పిల్ల జమీందార్ వంటి హిట్ చిత్రాలకు వర్క్ చేశాడు. ఇక ఇప్పుడు పూర్తిగా డైరెక్టర్ అయ్యే ఆలోచనలోకి వచ్చేశాడు. రీసెంట్ ఈ కాంబో ప్రాజెక్ట్ పూజా కార్యక్రమాలను జరుపుకుంది. డైరెక్టర్స్ మారుతి - విఐ ఆనంద్ తో పాటు అనిష్ కృష్ణ - ఉపేంద్ర కూడా ఆ కార్యక్రమంలో పాల్గొన్నారు. అలాగే రచయిత కోన వెంకట్ కూడా పూజా కార్యక్రమంలో పాల్గొని చిత్ర యూనిట్ కి ఆల్ ది బెస్ట్ చెప్పారు.

అంతే కాకుండా ఆయన సినిమాకి మొదటి క్లాప్ ని ఇచ్చారు. ఇక మారుతితో కలిసి దర్శకుడికి స్క్రిప్ట్ అందించారు. ఈ సినిమాకి అర్జున్ రెడ్డి సినిమాకు సంగీతం అందించిన రధన్ మ్యూజిక్ అందిస్తుండగా డైలాగ్స్ ను విశ్వ నేత్ర రాశారు. ఇక సినిమాను మన్యం ప్రొడక్షన్ పై ఎమ్.విజయ్ కుమార్ నిర్మిస్తున్నారు. సినిమాటోగ్రఫర్ గా హరి ప్రసాద్ జస్థి వర్క్ చేస్తున్నాడు.