ఇంతకీ అర్జున్ వస్తున్నాడా లేదా?

కిరాక్ పార్టీ తర్వాత కొంత గ్యాప్ తీసుకుని ప్రత్యేక శ్రద్ధతో నిఖిల్ చేసిన అర్జున్ సురవరం వాస్తవానికి ఈ నెల 29న విడుదల కావాలి. ఆ మేరకు గతంలో పోస్టర్లు కూడా వదిలారు. ట్రైలర్ మంచి రెస్పాన్స్ దక్కించుకుంది. తీరా చూస్తే ఇప్పుడు జనం ఎన్నికల జ్వరంలో ఊగిపోతున్నారు. ఏ పార్టీ అధికారంలోకి వస్తుందా ఎవరి బలాలు ఎంతెంత లాంటి లెక్కలతో చర్చల్లో న్యూస్ చానల్స్ వీక్షణలో యమా బిజీగా ఉన్నారు.

థియేటర్ ఎంటర్ టైన్ మెంట్ చూసే మూడ్ లో పెద్దగా లేరని గుర్తించే చాలా నిర్మాతలు తమ సినిమాలు ఈ సీజన్ లో ప్లాన్ చేసుకోలేదు. ఇప్పుడు ఇదే అర్జున్ సురవరంకు చిక్కుగా మారినట్టు కనిపిస్తోంది. అధికారికంగా ప్రకటించలేదు కాని మరో పది రోజుల్లో పోలింగ్ పెట్టుకుని ఇప్పుడు విడుదల చేయడం సబబు కాదని యూనిట్ భావిస్తున్నట్టు సమాచారం. ఒకవేళ ఇదే నిజమైతే మేకు షిఫ్ట్ కాక తప్పదు.

ఏప్రిల్ మొత్తం వారానికి ఒకటి చొప్పున ఆల్రెడీ స్లాట్స్ బుక్ చేసుకున్నాయి. మే 9 మహర్షి ఉంది కాబట్టి 1న రావొచ్చు. లాంగ్ రన్ ఆశిస్తే తక్కువ గ్యాప్ లో మహర్షికి ముందు వదలడం కరెక్ట్ నిర్ణయం కాదేమో అనిపిస్తుంది. దీని మీదే తర్జనభర్జన పడుతున్నట్టు తెలిసింది. 29కి ఇంకొక్క వారం మాత్రమే ఉంది. లిరికల్ వీడియోలు వదులుతూ ప్రమోషన్ పరంగా యాక్టివ్ గానే ఉన్నారు కాని అర్జున్ సురవరం రిలీజ్ విషయం ఈ రెండు రోజుల్లో తేల్చేసి ప్రకటిస్తే బెటర్