గోవాలో చైసామ్‌ డ్రీమ్‌ సాకారం

అక్కినేని నాగచైతన్య మరియు సమంత లు టాలీవుడ్ లోనే కాకుండా సౌత్ ఇండియాలో మోస్ట్‌ బ్యూటీఫుల్‌ కపుల్‌ అనడంలో సందేహం లేదు. వీరిద్దరు ఎంతో అన్యోన్యంగా ఆప్యాయంగా ఉంటారు. వీరిద్దరు ఎంత అన్యోన్యంగా ఉంటారో ప్రత్యేకంగా చెప్పనక్కర్లేదు. సుదీర్ఘ కాలం పాటు ప్రేమించి పెళ్లి చేసుకున్న ఈ జంట అంటే అభిమానులతో పాటు ఇండస్ట్రీ వర్గాల వారికి కూడా ప్రత్యేకమైన అభిమానం అనడంలో సందేహం లేదు. ఇద్దరు కూడా కెరీర్ లో బిజీ బిజీగా ఉన్నా కూడా తమ ప్రత్యేక సందర్బాల్లో ఇద్దరు కలిసి సెలబ్రేషన్ చేసుకుంటారు. వీరి పెళ్లి గోవాలో అయ్యింది. ఇద్దరికి కూడా గోవా అంటే ప్రత్యేకమైన అభిమానం. సెలబ్రెటీలు ఎక్కువగా ఇష్టపడే గోవా అంటే ఈ జంటకు కూడా బాగా ఇష్టం.

తమకు ఎంతో ఇష్టం అయిన గోవాలో వీరిద్దరు తమ డ్రీమ్‌ హౌస్ ను నిర్మించుకోవాలనుకున్నారట. గెస్ట్‌ హౌస్‌ గా గోవాలో వీరిద్దరు ఒక చిన్న ఇంటిని నిర్మించుకోవాలని అనుకున్నారు. సముద్రంకు ఒడ్డున అత్యంత అందమైన ప్రదేశంలో ఈ డ్రీమ్‌ హౌస్ ను నిర్మించేందుకు సిద్దం అయ్యారట. సమంత ఇటీవల ఒక ఇంటర్వ్యూలో తాము గోవాలో ఉండబోతున్నామని చెప్పింది. దాంతో వారు అక్కడ నిర్మించుకుంటున్న డ్రీమ్‌ హౌస్ నిర్మాణం పూర్తి అయ్యి ఉంటుందని ఇండస్ట్రీ వర్గాల టాక్‌.

ఇక సమంత మరియు చైతూ ఇద్దరు కూడా చాలా బిజీగా ఉన్నారు. చైతన్య ఇప్పటికే లవ్‌ స్టోరీ మరియు థ్యాంక్యూ సినిమాలను చేశాడు. ఆ రెండు సినిమాలు విడుదలకు సిద్దంగా ఉన్నాయి. ఇక బాలీవుడ్‌ లో లాల్‌ సింగ్ చద్దా సినిమాను కూడా ఈయన చేశాడు. అమీర్ ఖాన్‌ హీరోగా నటిస్తున్న ఆ సినిమాలో కీలక పాత్రను ఈయన చేయబోతున్న విషయం తెల్సిందే. ఇక సమంత శాకుంతలం సినిమా ద్వారా ప్రేక్షకుల ముందుకు రాబోతుంది. ఇప్పటికే ఈమె షూటింగ్‌ పూర్తి అయిన శాకుంతలం సినిమా త్వరలో విడుదల అయ్యే అవకాశాలు ఉన్నాయి. ఇక తమిళంలో విఘ్నేష్‌ శివన్‌ దర్శకత్వంలో సమంత నటిస్తున్న విషయం తెల్సిందే. ది ఫ్యామిలీ మ్యాన్ సీజన్ 2 తర్వాత సమంతకు హిందీ నుండి కూడా ఆఫర్లు వస్తున్నాయి.