త‌ప్ప తాగి.. ఒళ్లు మ‌రిచి.. తంద‌నాలాడి?

త‌ప్ప తాగి.. ఒళ్లు మ‌రిచి.. తంద‌నాలాడి ఆవిడేం చేసిందో తెలుసా? త‌న ప‌రిస్థితిని అర్థం చేసుకుని ఊత‌మిచ్చేందుకు సాయానికొస్తే.. ఛీ పో! అంటూ దూరంగా విసిరి కొట్టింది! ఆవిడ తోసేసింది ప‌నావిడ‌ను అనుకుంటే పొర‌పాటే.. ఈ ఎపిసోడ్ లో అప‌రాధిగా మిగిలిన‌ ఆవిడో స్టార్ హీరోయిన్ .. ఇంత‌కీ ఈ ఎపిసోడ్ లో తోసేసినావిడ ఎవ‌రు? గెంటివేయ‌బ‌డిన ఆవిడ‌ ఎవ‌రు? అంటే డీప్ గా డీటెయిల్స్ లోకి వెళ్లాల్సిందే.

ఈ ఎపిసోడ్ లో తోసేసినావిడ మ‌లైకా అరోరాఖాన్. త‌న‌ని తాను త‌మాయించుకున్న ఆ హీరోయిన్ సోన‌మ్ క‌పూర్. ఇటీవ‌లే ఓ పార్టీలో ఈ ఇన్సిడెంట్ జ‌రిగింది. ఆ టైమ్ లో మ‌లైకా ప‌క్క‌నే ప్రియుడు అర్జున్ క‌పూర్ కూడా ఉన్నాడు. అస‌లే మందేసి మ‌త్తెక్కిపోయిన మ‌లైకాను నిలువ‌రించేందుకు అత‌డు కూడా ప్ర‌య‌త్నించ‌లేద‌ట ఆ ఎపిసోడ్ లో. దాంతో త‌న‌కు సిస్ట‌ర్‌ వ‌రుస అయ్యే సోన‌మ్ క‌పూర్ కాస్తంత చిన్న‌బుచ్చుకుంద‌ట‌. ఏదైనా సాయం కావాలంటే నేనున్నాను! అంటూ సోన‌మ్ సాయం చేయ‌బోతే అలాంటి స‌న్నివేశం ఎదుర‌య్యిందేం? అంటూ ఆ స్పాట్ లో చూసిన వాళ్లంతా అవాక్క‌య్యార‌ట‌. త‌ప్ప తాగితే స‌న్నివేశం ఇలానే ఉంటుంది మ‌రి అని జ‌నాలు స‌ర్ధి చెప్పుకోవాల్సి వ‌చ్చింది.

అయితే మ‌రీ అంత‌గా తాగి రోడ్డున ప‌డాలా? అంటూ వేరొక ప్ర‌శ్న అంద‌రి బుర్ర‌ల్ని తొలిచేసింద‌ట‌. ఆ పార్టీకి సంబంధించిన ఫోటోలు ప్ర‌స్తుతం సామాజిక మాధ్య‌మాల్లో జోరుగా వైర‌ల్ అవుతోంది. అన్న‌ట్టు తాగాక అస‌లు నిజాలు బ‌య‌టికి ఆటోమెటిగ్గా వ‌చ్చేస్తాయ‌ని అంటారు. అర్జున్ క‌పూర్ సిస్ట‌ర్, ఫ్యామిలీ పై త‌న ఉద్ధేశ‌మేంటో మ‌లైకా ఇలా బ‌య‌ట పెట్టిందా? అంటూ మ‌రో చ‌ర్చ మొద‌లైంది. మొత్తానికి అర్జున్ - మలైకా మ‌ధ్య ఎఫైర్ అంత‌కంత‌కు వేడెక్కుతోంది. ఆ ఇద్ద‌రి ఎఫైర్ విష‌యంలో ప్రొస‌డీడ్ అంటూ ఎంతో స‌మ‌ర్ధించిన సోన‌మ్ క‌పూర్ కి జ‌ర‌గ‌కూడ‌ని శాస్తి జరిగిందా? అంటూ ఇప్పుడు మ‌రో కొత్త ముచ్చ‌టా మొద‌లైంది.