చిరు బర్త్ డేకి టీజర్.. పవన్ బర్త్ డేకి ఆడియో

గతంలో అనుకున్నట్లే జరిగింది. ఇదివరకు బ్రూస్ లీ సినిమాకు కూడా ఇలాగే ప్లాన్ చేశారు కాని.. అప్పట్లో అది వర్కవుట్ కాలేదు. కాని ఈ ఏడాది ''ధృవ'' సినిమాతో మెగాభిమానుల కోరిక తీర్చేయాలని చూస్తున్నాడు రామ్ చరణ్‌.

ఇప్పటివరకు ఉన్న ప్లానింగ్‌ ప్రకారం.. వచ్చే నెలలో డాడ్ మెగాస్టార్‌ చిరంజీవి బర్తడేకి ''ధృవ'' సినిమా టీజర్‌ విడుదల చేయాలని అనుకుంటున్నారట. అంటే ఆగస్టు 22న సురేందర్ రెడ్డి డైరక్షన్‌ లో రూపొందుతున్న ఈ తని ఒరువన్‌ రీమేక్ టీజర్ రిలీజ్ చేస్తారనమాట. ఆ తరువాత సెప్టెంబర్‌ 2న బాబాయ్ పవన్ కళ్యాణ్‌ బర్తడే ఉండనే ఉంది. కాబట్టి ఆ రోజున ఈ సినిమా ఆడియో లాంచ్‌ నిర్వహిస్తారని తెలుస్తోంది. హిప్‌ హాప్‌ తమిళ స్కోర్ చేసిన ఆడియోను ఆ రోజు లాంచ్ చేస్తే అభిమానులు కూడా ఖుషీ అయిపోతారు మరి. ఇకపోతే సినిమాను సెప్టెంబర్ 30న విడుదల చేయాలని గతంలో ప్లాన్‌ చేశారు కాని.. రిలీజ్ డేటుపై ఇంకా క్లారిటీ మాత్రం లేదులే.

గత సంవత్సరం అక్టోబర్ లో ''బ్రూస్ లీ'' సినిమాతో ఫ్లాపును చవిచూసిన రామ్‌ చరణ్‌.. ఇప్పుడు సెంటిమెంటల్ గా తీసుకుని అక్టోబర్‌ ను వదిలేసి సెప్టెంబర్‌ 30నే వస్తే బెటర్ అని అబిమానుల ఫీలింగ్.