రాక్ స్టార్.. లక్కీ టైమ్ నడుస్తోంది

మన తెలుగు సినీ జనానికి ఉన్నన్ని సెంటిమెంట్లు సాధారణ మనుషులకు కూడా ఉండవు ఎక్కువగా కాంబినేషన్లు కూడా సినీవర్గాల వారు లెక్కలేసుకుంటూ ఉంటారు. ఇప్పుడు అలాంటి ఒక కాంబినేషన్ ఆసక్తికరంగా మారింది. అదేమిటంటే మైత్రి మూవీ మేకర్స్‌కి మెగా హీరోలతో చేస్తున్న అన్ని సినిమాలు కలిసి వస్తున్నాయి. మరో ఆసక్తికరమైన విషయం ఏమిటంటే... ఆ మెగా హీరోలు చేస్తున్న సినిమాలన్నింటికీ దేవిశ్రీప్రసాద్ మ్యూజిక్ అందించడమే. ముందుగా శ్రీమంతుడు, జనతా గ్యారేజ్ సినిమాలతో బ్యాక్ టు బ్యాక్ హిట్లు అందుకున్న మైత్రి మూవీ మేకర్ సంస్థకు 3వ హిట్‌గా రంగస్థలం సినిమా నిలిచింది.

రామ్ చరణ్ హీరోగా తెరకెక్కిన ఈ సినిమా సుకుమార్ దర్శకత్వంలో వచ్చి ఎంత బ్లాక్ బస్టర్ హీట్ అయిందో అందరికి తెలిసిందే. ఆ సినిమా సాంగ్స్ కూడా ఇప్పటికీ ప్రేక్షకుల నోళ్లలో నానుతూనే ఉంటాయి. ఆ తర్వాత కిషోర్ తిరుమల డైరెక్షన్‌లో వచ్చిన సాయిధరమ్ తేజ్ చిత్రలహరి సినిమా కూడా సూపర్ హిట్ కావడమే గాక సాంగ్స్ కూడా బాగా హిట్ అయ్యాయి.

ఆ తర్వాత వైష్ణవ తేజ్‌ని పరిచయం చేస్తూ... చేసిన ఉప్పెన సినిమా ఎంత బ్లాక్ బస్టర్ హీట్ అయిందో ప్రత్యేకంగా చెప్పాల్సిన అవసరం లేదు. కరోనా సమయంలో కూడా అందరి అంచనాలను తలకిందులు చేస్తూ ఒక బ్లాక్ బస్టర్‌గా నిలిచింది. ఈ సినిమాకి కూడా దేవీ శ్రీ ప్రసాద్ అందించిన సాంగ్స్‌ అన్ని సూపర్ హిట్లే. ఇప్పటికీ అనేక చోట్ల ఈ సాంగ్స్ వింటూనే ఉంటాం.

ఎంత కాదనుకున్నా అల్లు అర్జున్ కూడా మెగా క్యాంపు వ్యక్తి. ఇప్పుడు కొత్త కుంపటి పెట్టడానికి ప్రయత్నిస్తున్న ఆయనను మెగా క్యాంపు కిందే లెక్కేస్తూ ఉంటారు సినీ జనాలు. ఆయనకు కూడా మైత్రి మూవీ మేకర్స్ బ్యానర్‌లో చేసిన పుష్ప సినిమా ఎలాంటి రిజల్ట్ ఇచ్చిందో ప్రత్యేకంగా చెప్పాల్సిన అవసరం లేదు. ఏకంగా పాన్ ఇండియా స్థాయిలో ఆయనను నిలబెట్టింది. ఈ సినిమాకి కూడా దేవి శ్రీ ప్రసాద్ సంగీతం అందించడం.. ఇప్పుడు ఇటీవల విడుదలైన మైత్రి మూవీ మేకర్స్ వాల్తేరు వీరయ్య సినిమా కూడా బ్లాక్ బస్టర్ హిట్‌గా నిలవడమే గాక సంక్రాంతి విన్నర్‌గా కూడా నిలిచింది. ఈ సినిమాకి కూడా దేవిశ్రీప్రసాద్ సంగీతం ఇవ్వడం గమనార్హం.

అలా దేవిశ్రీప్రసాద్ మెగా హీరో కాంబో.. మైత్రి మూవీ మేకర్స్‌కి బాగా కలిసి వచ్చింది. సో ఇక మీదట మెగా హీరోలతో చేసే అన్ని సినిమాలకు దేవిశ్రీప్రసాద్‌నే మైత్రి మూవీ మేకర్స్ రిపీట్ చేసే అవకాశాలు కూడా లేకపోలేదు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.