డ‌బ్బింగ్ పూర్త‌యింది.. ముంబైకి జంప్?

స్కూల్ కి పండ‌గ సెల‌వులు ఇస్తే ఎలా ఉంటుంది? ఎలా ఉంటుందో సూప‌ర్ స్టార్ మ‌హేష్ కిడ్స్ గౌత‌మ్- సితార‌ను అడ‌గాలి. ఇలా సెల‌వులు రాగానే అలా డాడ్ ఏ విదేశీ విహారానికో లేక‌పోతే ముంబైలో తాత‌య్య‌ గారింటికో వెళ్ల‌డం ఫిక్స‌యిన‌ట్టే. ఇక మ‌హేష్ కి షూటింగ్ డ‌బ్బింగ్ పూర్త‌యితే ఎలా ఉంటుందో త‌న‌నే అడ‌గాలి సూటిగా!

షూటింగ్ మ‌ధ్య‌లో గ్యాప్ లు వ‌చ్చినా.. లేదూ పిల్ల‌ల‌కు సెల‌వులు వ‌చ్చినా.. షూటింగ్ పూర్త‌యినా.. అప్ప‌టిక‌ప్పుడే విదేశీ విహారాల్ని ప్లాన్ చేసే మ‌హేష్ ఈసారి ఎక్క‌డికి ప్లాన్ చేస్తున్నారు? కొత్త సంవ‌త్స‌రం సెల‌బ్రేష‌న్స్ ఎక్క‌డ ప్లాన్ చేశారు? అన్న‌ది ఇప్ప‌టికే రివీలైంది. 2020 ఎన్.వై.ఈ వేడుక‌ల్ని ఈసారి ముంబైలో జ‌రుపుకోనున్నారు. అందుకోసం మ‌హేష్‌-న‌మ్ర‌త కిడ్స్ స‌హా ముంబైకి వెళుతున్నారు. ఇంత‌కుముందులా విదేశాల‌కు వెళ్ల‌కుండా సెల‌బ్రేష‌న్స్ ని అక్క‌డే ప్లాన్ చేశారు.

తాజాగా న‌మ్ర‌త శిరోద్క‌ర్ ఎంతో ఎగ్జ‌యిటింగ్ మ్యాట‌ర్ ఒక‌టి సామాజిక మాధ్య‌మాల్లో వెల్ల‌డించారు. మ‌హేష్ ఇప్ప‌టికే స‌రిలేరు నీకెవ్వ‌రు డ‌బ్బింగ్ పూర్తి చేశారు. ``ఇక‌పై ఇంట్లోనే రిలాక్స్ అవ్వొచ్చు. బెస్ట్ ఫిలింమేకింగ్.. స‌రిలేరు నీకెవ్వ‌రు జ‌న‌వ‌రి 11న రిలీజ్ కానుంది`` అంటూ ఆనందం వ్య‌క్తం చేశారు. ఇక ఇప్పుడు జంప్ అయిపోయి.. స‌రిలేరు ప్ర‌మోష‌న‌ల్ ఈవెంట్స్ కే తిరిగి మహేష్ రీఎంట్రీ ఇస్తార‌న్న‌మాట‌. ఈలోగా కొత్త సంవ‌త్స‌రం వేడుక‌ల హ‌డావుడి పూర్త‌వుతుంది. జ‌న‌వ‌రి 5న ప్రీరిలీజ్ వేడుక‌కు ఎటెండ‌వుతారు. అదీ సంగ‌తి.