సౌత్ లో మరో ఇజం.. డల్కరిజం

పవర్ స్టార్ పవన్ కళ్యాణ్ వీరాభిమానులు.. తమని ఓ ప్రత్యేక కేటగిరీగా భావిస్తుంటారు. మళ్లీ అదీ ఇదీ ఎవరో అనడం ఎందుకులే అని వాళ్లే ఓ పేరు కూడా పెట్టేసుకున్నారు. అదే పవనిజం. అంటే పవన్ ప్రిన్సిపల్స్ ని ఫాలో అయిపోవడం అన్నమాట. టాలీవుడ్ లో ఈ పవనిజం బాగానే ఫేమస్ అయ్యింది. ఆ తర్వాత పవన్ పార్టీ పెట్టి, ఇజం అనే పేరుతో పుస్తకం రాసిన తర్వాత.. పవనిజంకు పిచ్చ క్రేజ్ ఏర్పడింది.

ఇప్పుడు మరో హీరో అభిమానులు కూడా తమను తాము ఓ ప్రత్యేక కేటగిరీగా ప్రకటించేసుకుంటున్నారు. అలాగని ఓ సీనియర్ మోస్ట్ హీరో అనుకోకండి.. మళయాళ సూపర్ స్టార్ ముమ్ముట్టి కొడుకు డల్కర్ సల్మాన్ అభిమానులు.. ఇప్పుడో పండుగ చేసుకుంటానికి రెడీ అయ్యారు కూడా. ఇందుకోంస 'డల్కరిజం' అంటూ సెపరేట్ గ్రూప్ కూడా ఫామ్ చేసేసుకుని.. నాలుగేళ్ల డల్కరిజం అంటూ ప్రచారం చేసుకుంటున్నారు.

2012 ఫిబ్రవరి 3న సెకండ్ షో అనే మూవీతో మళయాళ ఇండస్ట్రీలో అడుగుపెట్టిన ఈ హీరో.. చాలా స్పీడ్ మీద ఉన్నాడు. ప్లే బ్యాక్ సింగర్, స్టోరీ నేరేటర్ గా కూడా పలు మూవీస్ కి వాయిస్ ఇచ్చాడు. అంతే కాదు.. రెండు తమిళ్ సినిమాలు కూడా డల్కర్ సల్మాన్ అకౌంట్ లో ఉన్నాయి. ఈ నాలుగేళ్లలో ఇతను చేసిన సినిమాల సంఖ్య వింటే.. అబ్బా అనాల్సిందే. 16 సినిమాల్లో హీరోగా నటించేశాడు ఇప్పటికే. ప్రస్తుతం కూడా నాలుగు మూవీస్ సెట్స్ పై ఉన్నాయి. అంటే ఫ్యాన్స్ కి ఏ మాత్రం గ్యాప్ ఇవ్వకుండా ఎంటర్టెయిన్ చేస్తూనే ఉన్నాడు. అందుకే.. ఇంతగా ఫ్యాన్స్ అంతా కలిసి డల్కరిజం సెలబ్రేట్ చేసేసుకోవడానికి ఫిక్స్ అయ్యారు.