అందుకే దుల్క‌ర్ సంథింగ్ స్పెష‌ల్

కొత్త త‌ర‌హా ప్ర‌యోగాల‌కు కేరాఫ్ అడ్ర‌స్ గా నిలిచిన యంగ్ టాలెంటెడ్ హీరో దుల్క‌ర్ స‌ల్మాన్. కొత్త త‌ర‌హా క‌థ‌ల‌ని ప్రోత్స‌హిస్తూ ద‌క్షిణాదితో పాటు ఉత్త‌రాదిలోనూ పాపులారిటీని సొంతం చేసుకున్నాడు.

తెలుగులోనూ దుల్క‌ర్ కి అభిమానులున్నారు. స్వ‌త‌హాగా మ‌ల‌యాళ హీరో అయినా త‌న దైన స్టైల్ చిత్రాల‌తో త‌మిళ‌, తెలుగు, హిందీ భాష‌ల్లోనూ క్రేజ్‌ని సొంతం చేసుకున్నాడు. కెరీర్ ప్రారంభం నుంచి విబిన్న‌మైన చిత్రాల్లో న‌టిస్తూ హీరోగా ప్ర‌త్యేక‌త‌ని చాటుకుంటున్నారు.

`మ‌హాన‌టి` చిత్రంతో తెలుగులోనూ క్రేజ్ ని సొంతం చేసుకున్న దుల్క‌ర్ ఇక్క‌డ కూడా త‌న చిత్రాల‌కు మంచి మార్కెట్ ని క్రియేట్ చేసుకున్నాడు. త్వ‌ర‌లో రొమాంటిక్ ల‌వ్ స్టోరీ `హే సినామిక‌` తో ప్రేక్ష‌కుల ముందుకు రాబోతున్నాడు. తెలుగు, త‌మిళ భాష‌ల్లో ఈ మూవీ ఏక కాలంలో మార్చి 3న విడుద‌ల కాబోతోంది.

పాపుల‌ర్ డ్యాన్స్ మాస్ట‌ర్ బృంద ఈ మూవీతో డైరెక్ట‌ర్ గా ప‌రిచ‌యం కాబోతోంది. కాజ‌ల్ అగ‌ర్వాల్ - అదితి రావు హైద‌రి హీరోయిన్ లు గా న‌టిస్తున్న ఈ మూవీ లో దుల్క‌ర్ మ‌రింత యంగ్ గా 20 ఏళ్లు త‌గ్గి 18 ఇయ‌ర్స్ యువ‌కుడిలా క‌నిపిస్తున్నాడు.

అ మూవీ లో మ‌రింత యంగ్ గా క‌నిపించ‌డం కోసం దుల్క‌ర్ క‌ఠ‌న‌మైన డైట్ ని పాఠించాడ‌ట‌. ప్రీ కోవిడ్ టైమ్ లో దుల్క‌ర్ స‌ల్మాన్ లుక్ టెస్ట్ కు సంబంధించిన సెష‌న్ ని నిర్వ‌హించార‌ట‌. ఫుర్తిగా బృంద అనుకున్న షేప్ కి దుల్క‌ర్ స్లిమ్‌ గా మార‌డంతో షూటింగ్ ని స్టార్ట్ చేశార‌ట‌.

ఈ విష‌యాన్నివెల్ల‌డిస్తూ దుల్క‌ర్ త‌న లుక్ టెస్ట్ కి సంబంధించిన త్రోబ్యాక్ పిక్చ‌ర్స్ ని తాజాగా సోష‌ల్ మీడియా ఇన్ స్టా వేదిగా షేర్ చేశాడు. ప్ర‌స్తుతం దుల్క‌ర్ స్లిమ్ లుక్ కి సంబంధించిన ఫొటోలు నెట్టింట వైరల్ గా మారాయి.

లుక్ టెస్ట్ లో పాల్గొన్న 7 ఫొటోస్ ని ఇన్ స్టా వేదిగా షేర్ చేసిన దుల్క‌ర్ ఈ ఫొటోల‌కు `హే సినామిక‌` లోని యాళ‌న్ పాత్ర‌ని వెతికే ప్రాసెస్ లో .. అంటూ క్యాప్ష‌న్ ఇచ్చాడు. ఈ ఫొటోలు చూసిన వారంతా అందుకే దుల్క‌ర్ సంథింగ్ స్పెష‌ల్ అని, దుల్క‌ర్ ఇర‌వై ఏళ్లు త‌గ్గిపోయి 18 ఏళ్ల యువ‌కుడిగా క‌నిపిస్తున్నాడంటూ కామెంట్ లు చేస్తున్నారు.

తెలుగులో హ‌ను రాఘ‌వ‌పూడి డైరెక్ట్ చేస్తున్న చిత్రంలో దుల్క‌ర్ స‌ల్మాన్ న‌టిస్తున్నాడు. లెఫ్టినెంట్ రామ్ పాత్ర‌లో న‌టిస్తున్నఈ మూవీని స్వ‌ప్న సినిమా, వైజ‌యంతీ మూవీస్ సంయుక్తంగా నిర్మిస్తున్నాయి.

1964 కాలంలో సాగే వార్ నేప‌థ్యంలో ఈ చిత్రాన్ని ద‌ర్శ‌కుడు తెర‌కెక్కిస్తున్నారు. క‌శ్మీర్ నేప‌థ్యంలో ప‌లు కీల‌క స‌న్నివేశాల‌ని చిత్రీక‌రించారు.

పిరియాడిక్ రొమాంటిక్ ల‌వ్ డ్రామాగా తెర‌కెక్కుతున్న ఈచిత్ర ఫ‌స్ట్ గ్లింప్స్ ని ఇటీవ‌ల దుల్క‌ర్ స‌ల్మాన్ పుట్టిన రోజు సంద‌ర్భంగా రిలీజ్ చేశారు. దుల్క‌ర్ స‌రికొత్త మేకోవ‌ర్ తో మిల‌ట‌రీ ఆఫీస‌ర్ లెఫ్టినెంట్ రామ్ గా నటిస్తున్న ఈ చిత్రాన్ని తెలుగు, త‌మిళ‌, మ‌ల‌యాళ భాష‌ల్లో విడుద‌ల చేయాల‌ని ప్లాన్ చేస్తున్నారు.