అడ్వాన్సు వెనక్కి అడిగిన దానయ్య

చాలామంది నిర్మాతలు స్టార్ హీరోలకు.. స్టార్ డైరెక్టర్లకు ఫ్యూచర్ ప్రాజెక్ట్ ల కోసం అడ్వాన్సు ఇవ్వడం కామనే. స్టార్ ప్రొడ్యూసర్ DVV. దానయ్య కూడా అలానే కొంతమంది కి ముందే అడ్వాన్సు ఇచ్చాడట. దానయ్య నుండి అడ్వాన్సు అందుకున్న స్టార్ డైరెక్టర్ల లిస్టు లో త్రివిక్రమ్ శ్రీనివాస్ కూడా ఉన్నాడట. కానీ ఈమధ్య దానయ్య తన అడ్వాన్సు వెనక్కిమ్మని అడిగాడట.

త్రివిక్రమ్ కు దానయ్య నాలుగేళ్ల క్రితం అడ్వాన్సు ఇవ్వడం జరిగిందట. కానీ అప్పటినుండి త్రివిక్రమ్ తన సినిమాలన్నీ హారిక హాసినీ సంస్థలోనే చేస్తూ వచ్చాడు. పైగా రానున్న రెండేళ్లలో అల్లు అర్జున్.. వెంకటేష్.. మహేష్ బాబులతో కమిట్ మెంట్స్ ఉన్నాయట. అవేవీ దానయ్య బ్యానర్ లో చేసే సినిమాలు కావు. దీంతో ఇక త్రివిక్రమ్ తో ప్రాజెక్ట్ ఇప్పట్లో పట్టాలెక్కేలా లేదని డిసైడ్ అయిన దానయ్య తన అడ్వాన్సు ను తిరిగివ్వమని గురూజీని డిమాండ్ చేస్తున్నాడని టాక్.

ఇక దానయ్య డిమాండ్ చేసినట్టే అడ్వాన్సు తిరిగి ఇస్తాడా లేదా తను దర్శకత్వం వహించనున్న ఫ్యూచర్ ప్రాజెక్ట్స్ లో దానయ్యను ఒక ప్రొడ్యూసర్ గా ఉండమంటాడా వేచి చూడాలి. ఈ విషయంలో త్వరలోనే ఓ క్లారిటీ వచ్చే అవకాశం ఉంది.