వరల్డ్ ఫేమస్ లవర్ కు ఎడిటింగ్ కష్టాలు!

యువ హీరో విజయ్ దేవరకొండ - క్రాంతి మాధవ్ కాంబినేషన్లో తెరకెక్కుతున్న చిత్రం 'వరల్డ్ ఫేమస్ లవర్'. ఫిబ్రవరి 14 న రిలీజ్ కానున్న ఈ సినిమాకు ఇప్పటికే ప్రచారకార్యక్రమాలు ప్రారంభమయ్యాయి. షూటింగ్ కూడా పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ లో ఉంది. ఇదిలా ఉంటే ఈ సినిమా ఎడిటింగ్ విషయంలో కొన్ని గుసగుసలు వినిపిస్తున్నాయి.

ప్రస్తుతం 'వరల్డ్ ఫేమస్ లవర్' ఎడిటింగ్ టేబుల్ దగ్గర ఉందని.. సినిమా ఫ్లోకు అడ్డం పడే సీన్లను కట్ చేస్తూ రన్ టైమ్ ను క్రిస్పీగా తయారు చేసే ప్రయత్నాల్లో దర్శకుడు.. ఎడిటర్ బిజీగా ఉన్నారని సమాచారం. అయితే రన్ టైమ్ ఎక్కువగా ఉండడంతో తగ్గించే ప్రయత్నాలు చేస్తున్నారట. కొన్ని సీన్లు కథకు ముఖ్యమైనవని అయితే అవి చాలా స్లోగా ఉండడంతో వాటిని ఏం చేయాలనే అలోచనలో ఉన్నారట. దీంతో ఎడిటింగ్ కోసం ఎక్కువ సమయం పడుతోందని అంటున్నారు. అయితే రిలీజ్ కు ఇంకా సమయం ఉంది కాబట్టి ఎడిటింగ్ జాగ్రత్తగా చేస్తున్నారట.

ఈ సినిమాలో విజయ్ దేవరకొండకు జోడీగా రాశి ఖన్నా.. కేథరిన్ ట్రెసా.. ఐశ్వర్య రాజేష్.. ఇజబెల్ లీట్ హీరోయిన్లుగా నటిస్తున్నారు. గోపి సుందర్ సంగీతం అందిస్తున్న ఈ సినిమాను క్రియేటివ్ కమర్షియల్స్ బ్యానర్ పై కెఎ వల్లభ నిర్మిస్తున్నారు. కె యస్ రామారావు ఈ సినిమాకు సమర్పకుడిగా వ్యవహరిస్తున్నారు.