లెద‌ర్ కోట్ తో గుబులు రేపిన మాజీ మిస్సు..!

అందానికి అందం వేడి ఉన్న క‌థానాయిక ఇషా గుప్తా. బోల్డ్ యాటిట్యూడ్ తో కుర్ర‌కారు గుండెల్లో గుబులు రేప‌డం త‌నకు హాబీ. ఈసారి కూడా అలాంటి ఫోటోషూట్ తో యూత్ లో మంట‌లు పెట్టింది. బ్లాక్ ప‌ర్పుల్ లెద‌ర్ జాకెట్ లో క‌నిపించి ఇషా మైండ్ బ్లాక్ చేసింది. బ్లాక్ లో ఇన్న‌ర్ అందాల ఎలివేషన్ తో రెచ్చిపోయింది.

ఇషాజీ తాజా ఫోటోషూట్ అంత‌ర్జాలంలో వైర‌ల్ గా మారింది. ఎంపిక చేసిన డిజైన్ ఏదైనా టీజ్ చేయ‌డం ఎలానో అందాల ఈషా గుప్తాను అడ‌గాలి. ఈ సీనియ‌ర్ టాప్ మోడ‌ల్ కం న‌టి కంటికి కునుకుప‌ట్ట‌నివ్వ‌ని ట్రీట్ తో చెల‌రేగ‌డం నిత్య‌కృత్య‌మే. ఇంత‌కుముందు రామ్ చ‌ర‌ణ్ విన‌య విధేయ రామ లో అదిరిపోయే ఐట‌మ్ నంబ‌ర్ తో గుబులు రేపిన ఇషాజీ మాజీ మిస్ ఇండియా గాను సుప‌రిచితం.

ఈషా గుప్తా సోష‌ల్ మీడియాల్లో ఎంత యాక్టివ్ గా ఉంటుందో తెలిసిందే. ఇన్ స్టా వేదిక‌గా ఈషాజీ షేర్ చేసే హాట్ ఫోటోషూట్లు సంచ‌ల‌నంగా మారుతుంటాయి. ఇక బికినీలు స్విమ్ సూట్ల‌లో ఇప్ప‌టికే అగ్గి రాజేస్తూ.. నిరంత‌రం త‌న‌నుంచి స్టీమి ఎఫైర్స్ ని బ‌య‌ట‌పెడుతుంటుంది. ఇటీవ‌ల ఈషా వ‌రుస హాట్ ఫోటోషూట్లు మ‌తులు చెడ‌గొడుతున్నాయి. అవ‌న్నీ వైర‌ల్ గా మారుతున్నాయి.

ఇక ఈషా స్పానిష్ బోయ్ ఫ్రెండ్ తో షికార్లు చేయ‌డంపైనా అప్ప‌ట్లో గుస‌గుస‌లు వినిపించాయి. తన తొలి వెబ్ షో `రిజెక్ట్ ఎక్స్` తరువాత ఇషా ఇటీవ‌ల ఓ సింగిల్ ఆల్బ‌మ్ తో అభిమానుల ముందుకు వ‌చ్చింది. ఇటీవ‌ల‌ తాను బాధాకరమైన ఎసిఎల్ గాయం నుంచి కోలుకున్నానని తనకు ఆసక్తిని క‌లిగించి ఆకర్షించే బలమైన పాత్రల కోసం చూస్తున్నానని వెల్లడించింది.

మోకాలి గాయం నుండి కోలుకోవడానికి ఈషా ఆమె సంపాదించిన డబ్బు అంతా ఖ‌ర్చు చేసింద‌ట‌. రిజెక్ట్ ఎక్స్ షో కాకుండా గుప్తాజీ చివరిసారిగా `వన్ డే: జస్టిస్ డెలివర్డ్` అనే OTT చిత్రంలో కనిపించింది. ఆమె క్రైమ్ బ్రాంచ్ ఆఫీసర్ లక్ష్మి రతి పాత్రను పోషించింది. అశోక్ నందా దర్శకత్వం వహించిన ఈ థ్రిల్లర్ చిత్రంలో అనుపమ్ ఖేర్- కుముద్ మిశ్రా- అనుస్మృతి సర్కార్ కూడా నటించారు. ఇషా గుప్తా త‌దుప‌రి రెండు బాలీవుడ్ చిత్రాలలో న‌టిస్తున్నారు. దేశీ మ్యాజిక్ - హేరా ఫేరి 3 లలో కనిపించనుంది.