విదేశీ బోయ్ ఫ్రెండ్ ని పెళ్లాడే ఆలోచ‌న ఉందా?

ఇషా గుప్తా.. ప‌రిచ‌యం అవ‌స‌రం లేని పేరు ఇది. వేడెక్కించే ఫోటోషూట్ల‌తో హీట్ పెంచ‌డం ఈ అమ్మ‌డికి తెలిసినంత‌గా వేరెవ‌రికీ తెలీదేమో. బికినీ టూపీస్ లో స్పెష‌లిస్ట్ గా పాపుల‌రైంది. నిరంత‌రం అర్థ‌న‌గ్న ఫోటోల‌తో విరుచుకుప‌డుతూ కుర్ర‌కారు గుండెల్లో క‌ల్లోలం రేపుతుంది. సూప‌ర్ సీనియ‌ర్ మోడ‌ల్ గా ఇండియా లెవ‌ల్లో మిస్ దివా అందాల పోటీల‌కు జ‌డ్జిగానూ ఇషాగుప్తా పాపులారిటీ సంపాదించుకుంది. ఇక అడ‌పాద‌డ‌పా తెలుగు సినీప‌రిశ్ర‌మ‌లో ఐటెమ్ నంబ‌ర్ల‌లో న‌ర్తిస్తూనే అటు బాలీవుడ్ లో సినిమాలు వెబ్ సిరీస్ ల‌‌‌తో బిజీబిజీగా ఉంది.

ప్ర‌స్తుతం రిజెక్ట్ ఎక్స్ 2 అనే హిందీ వెబ్ సిరీస్ లో న‌టిస్తోంది. ఇందులో పోలీసాఫీస‌ర్ గా వేడెక్కించే పాత్ర‌లో క‌నిపించ‌నుంది. సోష‌ల్ మీడియాల్లో ఈ వెబ్ సిరీస్ ని ఇషా వైర‌ల్ గా ప్ర‌మోట్ చేస్తోంది. ఈ సిరీస్ ప్ర‌మోష‌న్ సంద‌ర్భంగా ఇషా త‌న బోయ్ ఫ్రెండ్ ని ప‌రిచ‌యం చేసింది. గ‌త కొంత‌కాలంగా విదేశీ బోయ్ ఫ్రెండ్ తో ఇషా షికార్ చేస్తుండ‌డం బాలీవుడ్ స‌ర్కిల్స్ లో హాట్ టాపిక్ గా మారింది.

అత‌డి పేరు మాన్యుయేల్ కంపాస్ గువాల‌ర్. స్పెయిన్ లో పెద్ద బిజినెస్ మ్యాగ్నెట్. అత‌డితో క‌లిసి ఇషా దిగిన ఫోటోలు ఇప్ప‌టికే అంత‌ర్జాలంలో వైరల్ అయ్యాయి. ఇన్ స్టాలోనూ ఇషా గుప్తా స్వ‌యంగా త‌న ల‌వ‌ర్ తో ఉన్న ఫోటోని షేర్ చేసింది. ఇక త‌న బోయ్ ఫ్రెండ్ కి ఐ ల‌వ్ యు అంటూ త‌న‌తో ప్రేమ‌లో ఉన్న విష‌యాన్ని ఇషా స్వ‌యంగా వెల్లించింది. ప్ర‌స్తుతం క‌రోనా క‌ల్లోలం వ‌ల్ల బోయ్ ఫ్రెండ్ స్పెయిన్ లో సెల్ఫ్ క్వారంటైన్ లో ఉన్నాడ‌ట‌. అత‌డితో రెగ్యుల‌ర్ గా వీడియో చాట్ లు చేస్తూ ఇషా ట‌చ్ లో ఉంది. అన్న‌ట్టు ప్రియాంక చోప్రా- శ్రీ‌య త‌రహాలో విదేశీ బోయ్ ఫ్రెండ్ ని పెళ్లాడుతుందా లేక శ్రుతిహాస‌న్ త‌ర‌హాలో బ్రేక‌ప్ చెబుతుందా? అన్న‌దానికి కాల‌మే స‌మాధానం చెప్పాల్సి ఉంది.