ఇన్ స్టాగ్రామ్ ను హీటెక్కిస్తున్న ఈషా

ఒక తెలుగు హీరోయిన్ తెలుగు సినిమాలో అవకాశాలు సాధించగలదా? తెలుగు హీరోయిన్లకు ఎందుకు మన తెలుగు ఫిలింమేకర్స్ అవకాశాలు ఇవ్వరు? భాష రాకపోయినా.. కిస్సిచ్చినా కక్కొచ్చినా ఒకే ఎక్స్ ప్రెషన్ ఇచ్చే హిందీ భామలకు కోట్లు కుమ్మరించి మరీ ఎందుకు ఆఫర్లు ఇస్తారు? సగటు తెలుగు సినిమా అభిమాని మనసులో ఇలాంటి ప్రశ్నలే ఉంటాయి.

మరి ఇన్ని అడ్డంకులు ఉన్నా అవకాశాల కోసం అలుపెరగని ప్రయత్నం చేసి హీరోయిన్ గా మంచి గుర్తింపు తెచ్చుకున్న అచ్చతెలుగమ్మాయి ఈషా రెబ్బా. మెజారిటీ ఫిలింమేకర్స్ సంగతి పక్కనబెడితే కొంతమందైనా ఈషాకు అవకాశాలు ఇస్తున్నారు. ఈమధ్యే జూనియర్ ఎన్టీఆర్ చిత్రం 'అరవింద సమేత' లో సెకండ్ హీరోయిన్లా తళుక్కున మెరిసిన ఈషా త్వరలో సుమంత్ సినిమా 'సుబ్రహ్మణ్యపురం' తో పలకరించబోతోంది.

ఇదిలా ఉంటే.. ఈషా కూడా ఇంపోర్టెడ్ హీరోయిన్లకు తనేమీ తీసిపోనంటూ సోషల్ మీడియాలో చాలా యాక్టివ్ గా ఉంటూ అప్డేట్లు ఇస్తోంది. స్టైలిష్ అండ్ గ్లామరస్ ఫోటోలు పోస్ట్ చెస్తూ ఇన్స్ టాగ్రామ్ లో హీటు పెంచుతోంది. దీపావళి సమయంలో చీరలో అచ్చ తెలుగు అందంలా కనిపించింది. ఇక మామూలప్పుడు ఒకసారి టోర్న్ జీన్స్ లో.. మరోసారి జీన్స్ షార్ట్ లో కనిపిస్తోంది. రీసెంట్ గా ఒక ఫోటోకు ఈషా ఇచ్చిన క్యాప్షన్ ఎంటంటే "ప్రతిరోజు ఫ్యాషన్ షోనే.. ఈ ప్రపంచమే నీ వేదిక". నిజమే కదా.