క్యాస్టింగ్ కోచ్ ఉందంటున్న తెలుగు భామ!

మనకు టాలీవుడ్లో ఉన్న అచ్చతెలుగు హీరోయిన్ ఈషా రెబ్బా మాత్రమే. మొదట్లో కొన్ని విజయాలు సాధించినా ఇప్పుడు మాత్రం కెరీర్లో కాస్త స్లో అయ్యింది. 'సుబ్రమణ్యపురం' తర్వాత ఈషా కు చెప్పుకోదగ్గ ఆఫర్లు ఏవీ రాలేదు. మంచి బ్రేక్ సాధించేందుకు ఈషా తన ప్రయత్నాలు తాను చేస్తోంది. ఇదిలా ఉంటె రీసెంట్ గా ఈషా ఒక ఇంటర్వ్యూలో క్యాస్టింగ్ కోచ్ ఇష్యూపై మాట్లాడింది.

ఇండస్ట్రీ లో క్యాస్టింగ్ కోచ్ ఉందా అని ప్రశ్నిస్తే.. "అన్నీ రంగాలలో ఉన్నట్టే ఫిలిం ఇండస్ట్రీలో రెండు రకాల వ్యక్తులు ఉన్నారు. క్యాస్టింగ్ కోచ్ ఇక్కడ కూడా ఉంది. ఇక్కడ క్యాస్టింగ్ కోచ్ లేదని చెప్పను.. ఉంది" అంటూ క్లారిటీ ఇచ్చేసింది. అయితే దీన్ని ఎదుర్కొనేందుకు కొన్ని టెక్నిక్స్ ఫాలో అవుతానని చెప్పింది. తనకు ఇబ్బందిగా అనిపించే పరిస్థితులు.. మనుషులు ఎదురైతే అక్కడ నుండి తప్పుకుంటానని తెలిపింది. అంతే కాదు పక్కవారికి ఇబ్బంది కలగకుండా 'నో' చెప్పడం నేర్చుకున్నానని చెప్పింది.

ఈషా చెప్పేమాటల్లో లాజిక్ ఉంది కదా? తెలివిగా 'నో' చెప్పడం.. ఇబ్బంది అనిపిస్తున్నప్పుడు పక్కకు తప్పుకోవడం.. ఇవి ఫాలో అయితే నిజంగానే సగానికి సగం ఇబ్బందులు తొలగిపోతాయి. చేతులు పూర్తికా కాలిపోయాక మీటూ.. యూటూ అని హంగామా చేసి ఏం లాభం. ఈషా ఫ్యూచర్ ప్రాజెక్టుల విషయానికి వస్తే.. రీసెంట్ గా ఒక కన్నడ సినిమా సైన్ చేసిందని.. ఆ సినిమాతో కన్నడ ఎంట్రీ ఇస్తోందని టాక్ ఉంది.