స్టార్‌ హీరో - క్రేజీ డైరెక్ట‌ర్ మ‌ధ్య ఈగో వార్‌?

ఇండ‌స్ట్రీలో ఈగోలు రాజ్య‌మేలుతుంటాయి అంటుంటారు. ఇక్క‌డ ఒక‌రి ఈగోల‌ని ఒక‌రు గౌర‌వించుకుంటేనే మ‌నుగ‌డ‌... కెరీర్ సాఫీగా ముందుకు సాగుతుంది. చేస్తున్న ప్రాజెక్ట కూడా ఎలాంటి ఆటంకాలు లేకుండా న‌డుస్తుంది. ఒక్క‌సారిగా ఈగో హ‌ర్ట్ అయిందా అన్నీ త‌ల‌కిందుల‌వుతాయి. కోట్లు ఖ‌ర్చు పెట్టి తీస్తున్న ప్రాజెక్ట్ అర్థాంత‌రంగా ఆగిపోతుంది.. లెక్క‌లు మారిపోతాయి. ఇద్ద‌రి ఈగోల కార‌ణంగా వంద‌ల ఫ్యామిలీలు స‌ఫ‌ర్ అయ్యే ప‌రిస్థితులు త‌లెత్తుతాయి. స‌రిగ్గా టాలీవుడ్ లో ఓ క్రేజీ ప్రాజెక్ట్ విష‌యంలో ఇప్ప‌డు ఇదే జ‌రుగుతోందా? అంటే ఇండ‌స్ట్రీ వ‌ర్గాలు నిక్క‌చ్చిగా య‌స్ అని చెబుతున్నారు.

ఇంత వ‌ర‌కు భారీ పాన్ ఇండియా మూవీని చేయ‌ని స్టార్ హీరో ప్ర‌స్తుతం క్రేజీ డైరెక్ట‌ర్ తో ఓ భారీ మూవీని చేస్తున్నాడు. దీనికి స్టార్ ప్రొడ్యూస‌ర్ నిర్మాత‌గా వ్య‌వ‌హ‌రిస్తున్నారు. దాదాపు 150 కోట్ల భారీ బ‌డ్జెట్ తో స‌ద‌రు స్టార్ హీరో కెరీర్ లోనే అత్యంత భారీ స్థాయిలో ఈ మూవీని రూపొందిస్తున్నారు. కోవిడ్ కార‌ణంగా ఆగుతూ సాగుతూ అన్న‌ట్టుగా ఈ పాన్ ఇండియా మూవీ షూటింగ్ జ‌రుగుతూ వ‌స్తోంది. స్టార్ హీరో ఈ మూవీని ప‌క్క‌న పెట్టి ఇత‌ర క‌మిట్ మెంట్ ల‌కు ప్రాధాన్య‌త నివ్వ‌డం ద్వారా మూవీ షూటింగ్ గ‌త రెండేళ్లుగా ఆల‌స్యం అవుతూ వ‌స్తోంది.

మొత్తానికి ఈ మూవీ ముందుకు వెళుతుందా? మ‌ధ్య‌లోనే ఆగిపోతుందా? అంటూ వార్త‌లు వినిపిస్తున్న నేప‌థ్యంలో మొత్తానికి స్టార్ హీరో తాజా షెడ్యూల్ కి గ్రీన్ సిగ్న‌ల్ ఇచ్చాడు. దీంతో ఊపిరి పీల్చుకున్న స్టార్ డైరెక్ట‌ర్ ఫైన‌ల్ గా తాజా షెడ్యూల్ ని ఇటీవ‌లే ప్రారంభించాడు. అయితే అనూహ్యంగా మ‌ళ్లీ ఈ మూవీ షూటింగ్ మ‌ధ్య‌లోనే ఆగిపోయింది. కార‌ణం స్టార్ హీరో, స్టార్ డైరెక్ట‌ర్ మ‌ధ్య ఏర్ప‌డిన ఈగో క్లాషెస్ అని తెలిసింది.

కోవిడ్ కు ముందు ప‌లు స‌న్నివేశాల‌పై అభ్యంత‌రాలు చెప్పిన స్టార్ హీరో ఆ స‌న్నివేశాల‌ని మార్చ‌మ‌ని హీరో మార్పులు చెప్పాడ‌ట‌. అయితే డైరెక్ట‌ర్ మాత్రం అవేవీ చేయ‌కుండా పై పైనే మార్చేసి సెట్ లోకి వ‌చ్చేశాడ‌ట‌. తాజాగా మొద‌లైన షూటింగ్ లో తాను చెప్పిన మార్పులు క‌నిపించ‌క‌పోవ‌డంతో ఈగో హ‌ర్ట్ అయిన స్టార్ హీరో షూటింగ్ ని అర్థాంత‌రంగా ఆపేసిన‌ట్టుగా తెలిసింది. తాను చెప్పిన మార్పుల‌తో వ‌స్తేనే సినిమా ముందు కెళుతుంద‌ని ద‌ర్శ‌కుడికి స్టార్ హీరో ఆల్టిమేట‌మ్ జారీ చేశార‌ట‌. క్రియేటివ్ డిఫ‌రెన్సెస్ పీక్స్ కి చేర‌డంతో ఈ ప్రాజెక్ట్ ముందుకు వెళ్ల‌డం క‌ష్ట‌మ‌నే టాక్ వినిపిస్తోంది.

ఇదిలా వుంటే నిర్మాత స‌ద‌రు స్టార్ హీరోని కొంత టైమ్ ఇవ్వండి అని రిక్వెస్ట్ చేస్తున్నార‌ట‌. ఇక ఈ ప‌రిస్థితి ఇలా వుంటే ప్ర‌ముఖ ఎంట‌ర్ టైన్ మెంట్ ఛాన‌ల్ కుదుర్చుకున్న శాటిలైట్ , డిజిట‌ల్ రైట్స్ డీల్‌ని ర‌ద్దు చేసి మ‌ళ్లీ కొత్త ఒప్పందాన్ని కుదుర్చుకోవాల‌ని ద‌ర్శ‌కుడు నిర్మాత త‌రుపున ప్ర‌య‌త్నిస్తున్నార‌ట‌.

అంతే కాకుండా స‌ద‌రు స్టార్ హీరో కు అత్యంత స‌న్నిహితుడైన ఓ స్టార్ డైరెక్ట‌ర్ అతిగా త‌న ప్రాజెక్ట్ లో ఇన్ వాల్వ్ కావ‌డం కూడా త‌న‌కు న‌చ్చ‌డం లేద‌ట‌. తాజా ప‌రిణామాల నేప‌థ్యంలో తీవ్రంగా స‌ద‌రు స్టార్ డైరెక్ట‌ర్ హ‌ర్ట్ అయ్యార‌ట‌. స్టార్ హీరో - డైరెక్ట‌ర్ ల ఈగో వార్ లో నిర్మాత‌లు స‌త‌మ‌త‌మ‌వుతున్న‌ట్టుగా తెలుస్తోంది. ఈ ఈగో వార్ కు ఎండ్ కార్డ్ ప‌డి ఈ ప్రాజెక్ట్ ఎప్ప‌టికి పూర్త‌య్యేనో అని సినిమా సిబ్బంది తీవ్ర ఆందోళ‌న‌కు గుర‌వుతున్నార‌ట‌.