ఒక్క రోజే 8 సినిమాలు రిలీజ్

మార్ వచ్చేస్తోంది. అంటే పరీక్షల సీజన్ అన్నమాట . జనాలు సరదాలు, సంతోషాలతో పాటు సినిమాలను కాస్త దూరం పెట్టే టైం ఇది. అందుకే ఈలోగానే తమ సినిమాలను వదిలేస్తున్నారు నిర్మాతలు. టైం కూడా అట్టే లేకపోవడంతో.. ఒకే వారంలో ఎనిమిది సినిమాలు తెరపైకి వచ్చేస్తున్నాయి. ఇందులో డైరెక్ట్ సినిమాలతో పాటు డబ్బింగ్ మూవీస్ కూడా ఉన్నాయి.

ఫిబ్రవరి 26న అంటే ఈ శుక్రవారం విడుదలకు సిద్ధమైన వాటిలో మొదటగా చెప్పుకోవాల్సింది పీవీపీ బ్యానర్ నుంచి వస్తున్న థ్రిల్లర్ మూవీ 'క్షణం' గురించే. అడివి శేష్, ఆదాశర్మ, అనసూయ నటించిన ఈ మూవీ ట్రైలర్ విపరీతంగా ఆకట్టుకుంది. అక్కినేని నాగార్జున బ్యాక్ గ్రౌండ్ సపోర్ట్ తో వస్తున్న లవ్ స్టోరీ 'పడేశావే'. ఈ రెండింటి మీద ఇండస్ట్రీలో ఎక్కువగా అంచనాలు ఉన్నా.. మరో అరడజన్ సినిమాలు కూడా అదే రోజుకు క్యూ కట్టాయి.

శ్రీకాంత్ మూవీ 'టెర్రర్', వెన్నెల కిషోర్ సినిమా 'ఎలుకా మజాకా', హారర్ కామెడీ జోనర్ లో వస్తున్న 'రాజుగారింట్లో ఏడవ రోజు', కామెడీ చిత్రంగా రూపొందిన 'వీరి వీరి గుమ్మడి పండు' ఈ శుక్రవారం విడుదలవుతున్నాయి. ఈ ఆరు సినిమాలు డైరెక్ట్ తెలుగు సినిమాలు కాగా.. జయం రవి నటించిన కోలీవుడ్ జాంబీ మూవీ 'మిరుదన్'.. యమపాశం అంటూ తెలుగులో డబ్బింగ్ అయి వచ్చేస్తోంది. హాలీవుడ్ మూవీ 'గాడ్స్ ఆఫ్ ఈజిప్ట్' కూడా.. ఇక్కడ డబ్బింగ్ వెర్షన్ విడుదలవుతోంది. ఇలా ఒకే రోజు తెలుగు తెరపై 8 కొత్త సినిమాలు సందడి చేయనున్నాయి.