ట్రైలర్ టాక్: తండ్రి కూతుళ్ల మ్యాజిక్

ఒకే ఫ్యామిలీ కి చెందిన యాక్టర్స్ ఒక సినిమాలో కనిపిస్తే ఆ మజా మాములుగా ఉండదు. ఆడియెన్స్ చాలా ఆసక్తిగా ఫీల్ అవుతారు. ఇకపోతే బాలీవుడ్ లో చాలా కాలం తరువాత ఆ టైమ్ రానే వచ్చింది. బాలీవుడ్ లోనే అతిపెద్ద ఫ్యామిలీ గా ఉన్న కపూర్ గ్యాంగ్ నుంచి ఇప్పటివరకు ఎంతో మంది నటీనటులు ఎంట్రీ ఇచ్చారు. అయితే సోనమ్ కపూర్ ఆహుజా తన తండ్రి అనిల్ కపూర్ తో మొదటిసారి ఒకే తెరపై కలిసి నటించారు.

ఆ సినిమేనే "ఏక్ లడ్ కి కో దేఖా తో ఐసా లగా" జూహి చావ్లా కూడా మరో ముఖ్య పాత్రలో కనిపించనున్నారు. ఇకపోతే సినిమాకు సంబంధించిన మొదటి టీజర్ ను చిత్ర యూనిట్ ఈ రోజు రిలీజ్ చేసింది. మొదటి లుక్ లోనే సినిమా చాలా వరకు హార్ట్ ని టచ్ చేసిందనే చెప్పాలి. ఆర్డి.బర్మన్ ఐకనిక్ ట్యూన్ 1994 లో వచ్చిన చిత్రం 1947: ఏ లవ్ స్టొరీ క్లిప్పింగ్ తో టీజర్ మొదలయిన విధానం బావుంది. ఇక అది స్వీట్ లవ్ స్టోరీ అయితే ఇది వివిధ రకాల ఎమోషన్స్ తో కూడిన లవ్ స్టొరీ అంటూ సోనమ్ ఒక మాటలో చెప్పేసింది. చూస్తుంటే ప్రేమ కథలో ఫ్యామిలీ సన్నివేశాలు కూడా చాలా ఉన్నాయని అర్ధమవుతోంది.

పంజాబీ వెడ్డింగ్ స్టైల్ ఎక్కువగా కనిపిస్తోంది. మరి తండ్రి కూతుళ్లు తెరపై ఎలాంటి మ్యాజిక్ క్రియేట్ చేస్తారో చూడాలి. షెల్లీ చోప్రా ధర్ దర్శకుడిగా పరిచయం అవుతున్న ఈ సినిమాను ఫాక్స్ స్టార్ స్టూడియోస్ తో కలిసి రాజ్ కుమార్ హిరని ఫిలిమ్స్ వారు నిర్మిస్తున్నారు.