నిఖిల్ సినిమా దుమ్ముదులిపేసిందిగా..

క‌ష్ట‌కాలంలోనూ క‌లెక్ష‌న్లు కుమ్మేసింది ‘ఎక్క‌డికి పోతావు చిన్న‌వాడా’. పెద్ద నోట్ల ర‌ద్దు నేప‌థ్యంలో జ‌నాలు అస‌లు థియేట‌ర్ల‌కు వ‌స్తారా అన్న సందేహాల‌కు తెర‌దించుతూ తొలి రోజు హౌస్ ఫుల్ క‌లెక్ష‌న్ల‌తో అద‌ర‌గొట్టింది ఈ చిన్న సినిమా. నిఖిల్ కెరీర్లోనే ఈ చిత్రానికి హైయెస్ట్ ఫ‌స్ట్ డే క‌లెక్ష‌న్లు రావ‌డం విశేషం. ‘ఎక్క‌డికి పోతావు చిన్న‌వాడా’ తొలి రోజు వ‌ర‌ల్డ్ వైడ్ షేర్ రూ.1.82 కోట్లుగా తేలింది. నిఖిల్ స్థాయికి ఇది పెద్ద ఫిగ‌రే. అందులోనూ అత‌డి రేంజికి ప్ర‌స్తుత ప‌రిస్థితుల్లో ఈ స్థాయి క‌లెక్ష‌న్లు రావ‌డం మామూలు విష‌యం కాదు.

ఓవ‌రాల్ క‌లెక్ష‌న్ల‌ కంటే కూడా అమెరికాలో వ‌చ్చిన క‌లెక్ష‌న్లు ఆశ్చ‌ర్యం క‌లిగించేవే. ప్రిమియ‌ర్ల‌తో 25 వేల డాల‌ర్ల దాకా వ‌సూలు చేసిన ఈ చిత్రం.. శుక్ర‌వారం ఏకంగా 95 వేల డాల‌ర్లు కొల్ల‌గొట్టింది. పాజిటివ్ టాక్ ఏ స్థాయిలో ప‌ని చేసిందో చెప్ప‌డానికి ఈ రైజింగే రుజువు. మొత్తంగా తొలి రోజుకే యుఎస్ క‌లెక్ష‌న్లు ల‌క్షా 20 వేల డాల‌ర్లు దాటాయి. అంటే ఇప్ప‌టికే 80 ల‌క్ష‌ల రూపాయ‌లు వ‌సూల‌య్యాయి. శ‌ని ఆది వారాల్లో మ‌రింత‌గా క‌లెక్ష‌న్లు పుంజుకునే అవ‌కాశం ఉంది కాబ‌ట్టి నిఖిల్ కెరీర్లో అమెరికా వ‌ర‌కు హైయెస్ట్ గ్రాస్ గ్యారెంటీ. ఇక్క‌డ లాగా యుఎస్ లో నోట్ల స‌మ‌స్య లేదు. పైగా వేరే సినిమాల పోటీ లేదు. 90కి పైగా స్క్రీన్ల‌లో న‌డుస్తోందీ సినిమా. దీంతో క‌లెక్ష‌న్లు అదిరిపోతున్నాయి.

Like Us on Facebook : https://www.facebook.com/Tupakidotcom/