రామ్ ప్లాన్ క్లిక్కయితే రచ్చే!

రామ్ పోతినేని ఇస్మార్ట్ శంకర్ సినిమాతో ఎలాంటి విజయాన్ని అందుకున్నాడో ప్రత్యేకంగా చెప్పనవసరం లేదు. అయితే ఆ సినిమా తరువాత అతను కంప్లీట్ గా తన ఆలోచనా విధానాన్ని మార్చుకున్నట్లు అనిపిస్తోంది.

అంతకుముందు ఎక్కువగా లవ్ డ్రామాలతో వచ్చిన రామ్ పూరి సలహాతో మాస్ యాంగిల్ ను హైలెట్ చేసి కెరీర్ బిగ్గెస్ట్ హిట్ కొట్టాడు. కష్టపడితే ఏదైనా సాధించవచ్చు అని ఆలోచనతో ఇప్పుడు కంప్లీట్ గా మాస్ యాంగిల్ ను ఫాలో అవుతున్నాడు. మధ్యలో రెడ్ అనే రీమేక్ సినిమాతో వచ్చినప్పటికీ ఆ సినిమా పరవాలేదు అనే విధంగా ఆడింది.

ఇక ప్రస్తుతం రామ్ ఫోకస్ మొత్తం మాస్ ఆడియెన్స్ పైనే పడినట్లు అర్ధమవుతోంది. తదుపరి సినిమా ది వారియర్ ఫుల్ కమర్షియల్ మాస్ ఎంటర్టైనర్ గా ప్రేక్షకుల ముందుకు రాబోతున్న విషయం తెలిసిందే.

లింగుస్వామి దర్శకత్వంలో తెరకెక్కుతున్న ఈ సినిమాలో రామ్ పవర్ఫుల్ పోలీస్ ఆఫీసర్ గా కనిపించబోతున్నాడు. ఇక ఆ సినిమా తరువాత బోయపాటి దర్శకత్వంలో మరో సినిమా చేయబోతున్న విషయం తెలిసిందే. ఆ సినిమా కూడా కంప్లీట్ గా మాస్ యాక్షన్ ఎంటర్టైనర్ గా ప్రేక్షకుల ముందుకు వచ్చే అవకాశం ఉంటుంది.

కాబట్టి ఈ లైనప్ తో రామ్ పోతినేని తప్పకుండా టైర్ వన్ హీరోగా ముందుకు వెళతాడు అని చెప్పవచ్చు. ఇప్పటివరకు టైర్ 2 లోనే మీడియం రేంజ్ లో మార్కెట్ను సొంతం చేసుకున్న రామ్ తప్పకుండా అగ్ర హీరోలకు దీటుగా పాన్ ఇండియా బ్రాండెడ్ మార్కెట్ లోకి వెళ్ళే అవకాశం కూడా వచ్చింది.

ఈ రెండు సినిమాలు ఏ మాత్రం వర్కవుట్ అయినా కూడా రామ్ పోతినేని టాలీవుడ్ ఇండస్ట్రీలోని అగ్ర హీరోల్లో ఒకడిగా ఉంటాడు అనడంలో ఎలాంటి సందేహం లేదు. హార్డ్ వర్క్ అయితే బాగానే చేస్తున్నాడు. బోయపాటి శ్రీను కూడా పాన్ ఇండియా రేంజ్ కు తగ్గట్టుగా కథను సిద్ధం చేస్తున్నారు. మరి అతని ప్లాన్స్ ఎంత వరకు సక్సెస్ అవుతాయో చూడాలి.