లిరికల్ వీడియో: వెంకీ మార్కు ఫన్

సంక్రాంతి సినిమాల్లో ఫుల్ కామెడీ ఎంటర్ టైనర్ గా కనిపిస్తున్న ఎఫ్2 ప్రమోషన్ వేడిని మెల్లగా పెంచుతోంది. ఇటీవలే విడుదల చేసిన మొదటి ఆడియో సింగల్ రెచ్చిపోదాం బ్రదర్ మ్యూజిక్ లవర్స్ టెస్ట్ లో జస్ట్ పాస్ అనిపించుకుంది. విజువల్ గా చూసాక రేంజ్ పెరుగుతుందేమో చూడాలి. ఇక ఇప్పుడు రెండో ట్రాక్ వచ్చింది. ఎంతో ఫన్ అంటూ సాగే ఈ పాట దేవి శ్రీ ప్రసాద్ నుంచి చాలా రోజుల తర్వాత వచ్చిన కూల్ మెలోడీ అని చెప్పొచ్చు.

అయితే మరీ ప్రత్యేకంగా చెప్పుకునే రీతిలో లేకపోయినా సందర్భానికి తగ్గట్టు క్యాచీగా ఉండే ప్రయత్నం అయితే చేసారు. పెళ్ళైన కొత్తలో లైఫ్ ఎలా ఉంటుందో వర్ణిస్తూ శ్రీమణి లిరిక్స్ లో దేవి తన స్వంత గాత్రాన్ని ఇచ్చాడు. త్యాగరాయ కృతికి మాడరన్ టచ్ ఇచ్చిన దేవి ప్రయత్నం కొత్తగా అనిపిస్తుంది కానీ గొప్పగా అయితే కాదు.

లిరికల్ వీడియో అయినప్పటికీ పాట తాలూకు వీడియో బిట్స్ ఆన్ లొకేషన్ షూటింగ్ బైట్స్ ఇందులో పొందుపరచడంతో ఆసాంతం చూసేలా ఉంది. వెంకటేష్ చాలా కాలం క్రితమే చేయడం మానేసిన ట్రేడ్ మార్క్ రొమాన్స్ ని ఇందులో చూపించాడు. మిల్కీ బ్యూటీ తమన్నా వెంకీ పక్కన పర్ఫెక్ట్ జోడి అని కాదు కానీ మైనస్ అనిపించే ఫీలింగ్ అయితే ఇవ్వలేదు.

ఫైనల్ గా స్లోగా అనిపించే మెలోడీతో ఎంత ఫన్ ఓ మాదిరిగా అభిమానులు మెచ్చేలా ఉంది. అధికారికంగా రిలీజ్ డేట్ ఇంకా ప్రకటించని ఎఫ్2 జనవరి 12న వచ్చే అవకాశాలు ఉన్నాయి. హ్యాట్రిక్ హిట్స్ తో జోష్ మీదున్న అనిల్ రావిపూడి దర్శకత్వం వహిస్తున్న ఎఫ్2 వెంకీ వరుణ్ లు మొదటిసారి జట్టు కట్టడం ప్రత్యేక ఆకర్షణగా నిలుస్తోంది