బొంబాయ్ బేబీలేనా.. మేం కాదా??

తెలుగు సినిమా హీరోయిన్లు విషయంలో పోరిగింటి పుల్ల కూర రుచి అన్నట్లు ఉంది మన తెలుగు చిత్ర నిర్మాణ సంస్థలు తీరు. ఎందుకంటే మన తెలుగులో హీరోయిన్లు అంతా మన తెలుగు వాళ్ళు కాదు. చాలామంది హీరోయిన్లకు తెలుగు మాట్లాడటం అర్ధం చేసుకుకోవడం కూడా తెలియదు. కానీ మన సినిమాలలో వాళ్ళే హీరోయిన్లుగా ఉండాలి. అక్కడకు వెళ్ళి మరి వెతికి పట్టుకువస్తారు వాళ్ళని. కారణం ఏంటో అందరికి తెలుసు కానీ ఎవరు దాన్ని గురించి మాట్లాడరు.

ఇప్పుడు ఒక తెలుగు హీరోయిన్ ఇలా తెలుగు చిత్ర నిర్మాణ సంస్థలు - తెలుగు సినీ అభిమానులు అంతా ముంబాయి అమ్మాయిలు మోజులో పడ్డారు అని తన ఆక్రోశాన్ని వెల్లబుచ్చుతుంది. వరంగళ్ బ్యూటి ఈషా.. ఆమీ తుమీ తో హిట్టు కొట్టి... ఇప్పుడు సుకుమార్ ప్రొడ్యూస్ చేసిన ''దర్శకుడు'' సినిమాతో వస్తోంది. ఈ తెలుగు హీరోయిన్ ఏమంటోందంటే “ఎవరైనా ఒక హింది హీరోయిన్ నేను తెలుగు హీరో ప్రభాస్ తో నటించాలి అని ఉంది అంటే అది మీడియా వాళ్ళకి ఒక న్యూస్ లా కనిపిస్తుంది. కానీ అదే ఒక తెలుగు హీరోయిన్ అంటే మాత్రం అది అత్యాశలా కనిపిస్తుంది. వాళ్ళే హీరోయిన్లా? మేము కదా!?'' అని అడిగేసింది. అమ్మాయి చెప్పింది పాయింటే కానీ ఏమి చేస్తాం ఎవరు వింటారు చెప్పండి.

సుకుమార్ నిర్మాతగా వస్తున్న దర్శకుడు సినిమా ఆగష్టు 4 విడుదలకాబోతుంది. ఈ సినిమాలో హీరో అశోక్ కొత్త నటుడు. ఇతనకు జంటగా ఈషా హీరోయిన్ గా నటిస్తుంది. దర్శకుడు కావాలి అనుకునే ఒక యువకుడు, ఫ్యాషన్ డిజైనర్ కావాలి అనుకునే ఒక అమ్మాయి ప్రేమ కథగా ఈ దర్శకుడు సినిమా ఉండబోతుంది అని చెబుతున్నారు.​