పాటను కూడా పట్టుకొస్తున్న చైతూ!!

మలయాళంలో ప్రేమమ్ సూపర్ హిట్.. కాదు బ్లాక్ బస్టర్.. అంతకు మించి అనాల్సిందే. అలాంటి మూవీని తెలుగులో అదే పేరుతో పట్టుకొచ్చేస్తున్నాడు అక్కినేని నాగ చైతన్య. ఈ మూవీ ఒరిజినల్ ఎలా ఉంటుందంటే.. ఎక్కడ ఏం ముట్టుకుంటే ఏ ఫీల్ పోతుందో అని ఫీలయిపోవాల్సిందే. అందుకే తెలుగులో వేరే టైటిల్ ఏదీ పెట్టకుండా.. ప్రేమమ్ అంటూ తెలుగులో ఆ పదానికి అర్ధం లేకపోయినా అదే పేరు పెట్టేశారు.

ఇప్పుడీ మూవీలోని ఓ పాటను కూడా పట్టుకొచ్చేస్తున్నారట. లెక్చరర్ పాత్ర మలార్ గా కనిపించే సాయి పల్లవితో.. 'మలారే' అంటూ ఓ రొమాంటిక్ మెలోడీ ఉంటుంది. మలయాళీ వెర్షన్ తో పాటు ఈ పాటకు కూడా హక్కులు కొనుకున్నారట చైతు అండ్ టీమ్. రాజేష్ మురుగేశన్ అందించిన మ్యూజిక్ అదిరిపోతుంది లెండి. అందుకే ఆ పాటను యథాతథంగా దింపేయబోతున్నారు. తెలుగు వెర్షన్ కి గోపీసుందర్ మంచి మ్యూజిక్ నే ఇస్తున్నాడు కానీ.. ఒరిజినల్ లో 'మలారే' పాట ఇచ్చిన కిక్ ఎవరూ మర్చిపోలేరు. రేపు తెలుగు వర్షన్ 'మలారే' రిలీజవుతోంది.

ఇలాగే ఒరిజినల్ లో ఉన్నవి దింపేయడంలో భాగంగా.. టైటిల్.. సాంగ్ లనే కాదు.. హీరోయిన్లను కూడా దింపేస్తున్న సంగతి తెలిసిందే. అనుపమా పరమేశ్వరన్.. మడొన్నా సెబాస్టియన్ లు.. ఇలాగే టాలీవుడ్ లో దిగిపోతున్నారు మరి. కార్తికేయ పేం చందూ మొండేటి ఈ సినిమాను డైరక్ట్ చేస్తున్నాడు.