సాహో భామ బబ్లీ పాట కిరాక్..!

ఒక సినిమా హిట్ కావడానికి సంగీతం ముఖ్య పాత్ర పోషిస్తుంది. అందులోనూ స్పెషల్ సాంగ్స్ పై మాస్ ఆడియన్స్ నుండి క్లాస్ ఆడియన్స్ వరకూ అందరూ మక్కువ చూపిస్తారు. అందుకే చాలామంది ఫిలిం మేకర్లు తమ సినిమాల్లో ప్రత్యేక గీతాలు ఉండేలా చూసుకుంటారు. బాలీవుడ్ లో తాజాగా 'కిస్సేబాజ్' అనే చిత్రం తెరకెక్కుతోంది. ఈ సినిమానుండి 'బబ్లీ' అనే వీడియో సాంగ్ ను రిలీజ్ చేశారు ఫిలిం మేకర్స్.

ఈ స్పెషల్ సాంగ్ లో స్టెప్పులేసింది ఎవరో కాదు. ఎవెలిన్ శర్మ. ఇంగ్లీష్ మూవీ 'టర్న్ లెఫ్ట్' తో నటిగా కెరీర్ మొదలు పెట్టిన ఈ భామ 'ఫ్రమ్ సిడ్నీ విత్ లవ్'.. 'నౌటంకీ సాలా'.. 'ఏ జవాని హై దీవాని'.. 'హిందీ మీడియం'.. 'జబ్ హ్యారీ మెట్ సెజల్' లాంటి సినిమాల్లో నటించింది ఎవెలిన్. ప్రస్తుతం ఈ భామ ప్రభాస్ 'సాహో' లో కూడా ఒక కీలక పాత్రలో నటిస్తోంది. ఈ భామ 'బబ్లీ' లో తనదైన శైలిలో అందాలను ధారపోస్తూ తనివితీరా నర్తించింది.

ఈ చిత్రానికి రోహన్ సంగీత దర్శకుడు. బబ్లీ పాటకు సాహిత్యం అందించిన వారు రోహన్ గోఖలే. "ఏ మేరె జానీ వాకర్.. జాతా హై తూ కిధర్.. ఆజా ఇధర్ ఇధర్ ప్యాలా హటా లే. దారు బిట్టర్ బిట్టర్.. మై హూ స్వీటర్ స్వీటర్.. ఐసీ హాట్ ఫిగర్ ముఝ్ కో పతా లే" అంటూ పాట భలే ఫన్నీగా సాగింది. ఈ పాటకు ఫుల్ జోష్ లో ఉండే ఫుట్ ట్యాపింగ్ ట్యూన్ ను సంగీత దర్శకుడు అందించగా.. మమత శర్మ.. రోహన్ ప్రధాన్ ఈ పాటను డబల్ జోష్ లో పాడారు. రెండు సార్లు కనుక ఈ పాటను వింటే మాయలో పడిపోవడం ఖాయమే.

ఈ సినిమాలో ఎవెలిన్ శర్మతో పాటుగా పంకజ్ త్రిపాఠి.. రాహుల్ బగ్గా అనుప్రియా గోయెంకా కీలక పాత్రల్లో నటిస్తున్నారు. సంజయ్ ఆనంద్ & దివ్యా ఆనంద్ నిర్మిస్తున్న ఈ చిత్రానికి దర్శకుడు అనంత్ జైత్ పాల్. ఆలస్యం ఎందుకు.. బబ్లీ పై ఒక సారి లుక్కేయండి.