ముదురు వ‌య‌సులోనూ ఈ భామ ఏమాత్రం త‌గ్గ‌డం లేదుగా!

ముదురు వ‌య‌సులోనూ బాలీవుడ్ భామ కాజోల్ ఏమాత్రం త‌గ్గ‌డం లేదు. 47 ఏళ్ల వ‌య‌సులోనూ యంగ్ హీరోయిన్ల‌కు దీటుగా పారితోషికం డిమాండ్ చేస్తోంద‌ని బాలీవుడ్ మీడియాలో వార్త‌లు వ‌స్తున్నాయి. 90వ ద‌శ‌కంలో బాలీవుడ్ లో ఏలిన ఈ బ్లాక్ బ్యూటీ.. బాజీగ‌ర్, క‌ర‌ణ్-అర్జున్, దిల్ వాలియ దుల్హానియా లే జాయింగే, క‌బీ ఖుష్ క‌బీ ఘ‌మ్, కుచ్ కుచ్ హోతా హై త‌దిత‌ర చిత్రాల బ్లాక్ బ‌స్ట‌ర్ల‌తో యువ‌కుల క‌ల‌ల రాణిగా మారిపోయింది.

ఈ క్ర‌మంలో 1999లో త‌న కోస్టార్ బాలీవుడ్ హీరో అజ‌య్ దేవ్ గ‌ణ్ తో ప్రేమ‌లో ప‌డి అత‌డిని పెళ్లాడింది. పెళ్లి త‌ర్వాత కూడా సినిమాల‌కు బ్రేక్ ఇవ్వ‌ని భామ షారుక్ ఖాన్, అమీర్ ఖాన్ లాంటి బ‌డా స్టార్ల‌తో న‌టించి సూప‌ర్ హిట్ల‌ను త‌న ఖాతాలో వేసుకుంది. ఫ‌నా, దిల్ వాలే, త‌న్హాజీ త‌దిత‌ర చిత్రాలతో మంచి విజ‌యాలు సాధించింది.

ప్ర‌స్తుతం కాజోల్ ప్ర‌ముఖ న‌టి, ద‌ర్శ‌కురాలు రేవ‌తి ద‌ర్శ‌క‌త్వంలో వ‌స్తున్న స‌లామ్ వెంకీలో లీడ్ రోల్ లో న‌టిస్తోంది. అలాగే డిస్నీ హాట్ స్టార్ లో ఒక వెబ్ సిరీస్ లో న‌టించ‌డానికి కూడా ఓకే చెప్పింద‌ని బాలీవుడ్ మీడియా క‌థ‌నాలు తెలుపుతున్నాయి.

ఇంకా పేరు పెట్ట‌ని ఈ వెబ్ సిరీస్ థ్రిల్ల‌ర్ షో అని తెలుస్తోంది. ఇందులో న‌టించ‌డానికి కాజోల్ ఒక్కో ఎపిసోడ్ కు రూ.5 కోట్లు డిమాండ్ చేసింద‌ని చెబుతున్నారు. దీంతో అంతా ఆశ్చ‌ర్య‌పోతున్నారు. 47 ఏళ్ల ముదురు వ‌య‌సులోనూ కాజోల్ ఏమాత్రం త‌గ్గ‌డం లేద‌ని అంటున్నారు.

కాగా యూత్ లో ఆమెకు ఉన్న డిమాండ్ దృష్ట్యా కాజోల్ అడిగినంత ఇవ్వ‌డానికి మేక‌ర్స్ కూడా సిద్ధంగానే ఉన్నార‌ని పేర్కొంటున్నారు. కాగా ఈ వెబ్ సిరీస్ కు సుప‌ర్ణ్ వ‌ర్మ ద‌ర్శ‌క‌త్వం వ‌హిస్తున్నాడు. త్వ‌ర‌లోనే ఈ వెబ్ సిరీస్ షూటింగ్ మొద‌లు కానుంది.

కాగా బాలీవుడ్ ఒక‌ప్ప‌టి న‌టి త‌నూజ కుమార్తే కాజోల్. కాజోల్ చెల్లెలు త‌నీషా ముఖ‌ర్జీ కూడా ప‌లు బాలీవుడ్, టాలీవుడ్ సినిమాల్లో న‌టించింది.