లైవ్ వీడియోలో మాజీ బాయ్ ఫ్రెండ్.. లలిత్ ఎక్కడ సుష్?

గడిచిన కొద్ది రోజులుగా మాజీ మిస్ విశ్వసుందరి సుస్మితా సేన్ మీడియాలోనూ.. సోషల్ మీడియాలోనూ హాట్ టాపిక్ గా మారటమే కాదు.. పెద్ద ఎత్తున ఆమె మీద చర్చలు జరిపిన వైనం తెలిసిందే.

అనూహ్యంగా ఐపీఎల్ మాజీ ఛైర్మన్ లలిత్ మోడీతో డేటింగ్ లో ఉన్న విషయాన్ని రివీల్ చేసిన నేపథ్యంలో ఆమెపై సాగిన ట్రోలింగ్ అంతా ఇంతా కాదు. తన తాజా బాయ్ ఫ్రెండ్ లలిత్ మోడీ తో డేటింగ్ చేసిన వైనాన్ని జులై 14న ఆమె రివీల్ చేశారు. అప్పటి నుంచి ఆమె గురించి తెలుసుకోవాలన్న తపన ఎక్కువ అవుతోంది.

ఇదిలా ఉంటే.. ఆగస్టు 8న సుస్మితా సేన్ తల్లి సుభ్రా సేన్ తన పుట్టిన రోజు జరుపుకున్నారు. ఈ సందర్భంగా తన ఇన్ స్టాలో లైవ్ వీడియోను పోస్టు చేశారు సుస్మితా. ఈ లైవ్ వీడియోలో తాను పెంచుకుంటున్న పిల్లలందరిని ఒకే ఫ్రేమ్ లోకి తీసుకొచ్చింది.

ఆసక్తికకరమైన అంశం ఏమంటే.. అక్కడే సుస్మిత మాజీ బాయ్ ఫ్రెండ్ రోహ్మాన్ షా కనిపించారు. అయితే.. అతడు కాస్తంత దూరంగా ఉండటం వీడియోలో కనిపిస్తుంది.

లైవ్ లోకి అందరికి విష్ చేసేందుకు తన పెంపుడు కుమార్తెల్ని పిలిచినప్పుడు అతగాడు ఫ్రేమ్ లో కనిపించి.. కనిపించకుండా వెళ్లిపోవటం కనిపిస్తుంది. మిగిలిన వారంతా ఫ్రేమ్ లోకి వచ్చినా.. రోహ్మాన్ షా మాత్రం కాస్త దూరంగా ఉండటం స్పష్టంగా కనిపిస్తుంది.

తన కంటే దాదాపు పదిహేనేళ్లు చిన్నవాడైన రోహ్మాన్ తో సుస్మితా దాదాపు మూడేళ్ల పాటు డేటింగ్ చేయటం తెలిసిందే. ఇదిలా ఉంటే.. తాజా లైవ్ వీడియో సందర్భంగా లలిత్ ఎక్కడ? అంటూ పలువురు ప్రశ్నించటం కనిపించింది. అయితే.. సుస్మిత మాత్రం దానికి ఎలాంటి సమాధానం ఇవ్వలేదనుకోండి.