'సలార్' రూమర్స్ కు చెక్ పెట్టిన ఎగ్జిక్యూటివ్ ప్రొడ్యూసర్..!

యంగ్ రెబల్ స్టార్ ప్రభాస్ - 'కేజీఎఫ్‌' దర్శకుడు ప్రశాంత్ నీల్ కాంబినేషన్ లో తెరకెక్కుతున్న భారీ యాక్షన్ ఎంటర్టైనర్ ''సలార్''. ఇందులో శృతి హాసన్ హీరోయిన్ గా నటిస్తోంది. హోంబలే ఫిలింస్ బ్యానర్ పై విజయ్‌ కిరగందూర్‌ ఈ చిత్రాన్ని నిర్మిస్తున్నాడు. పాన్ ఇండియా స్థాయిలో రూపొందుతున్న ఈ సినిమా 2022 ఏప్రిల్ 14న ప్రేక్షకుల ముందుకు రానుంది. అయితే ఈ సినిమా ప్రశాంత్ నీల్ ఫస్ట్ మూవీ 'ఉగ్రమ్' సినిమాకి రీమేకా లేదా ఒరిజినల్ స్టోరీనా అనేది డిస్కషన్ జరుగుతూ వస్తోంది.

ఆ మధ్య ప్రశాంత్ నీల్ మరియు హోంబలే ఫిలింస్ వారు 'సలార్' మూవీ 'ఉగ్రమ్' యొక్క రీమేక్ కాదని.. ప్రభాస్ కోసం ప్రత్యేకంగా ఒరిజినల్ ఐడియాతో రాసుకున్న కథ అని క్లారిటీ ఇచ్చారు. అయితే ఇటీవల 'సలార్' మ్యూజిక్ డైరెక్టర్ రవి బాస్రుర్ ఓ ఇంటర్వ్యూలో మాట్లాడుతూ ఇది 'ఉగ్రమ్' సినిమాకు రీమేక్ అని తెలిసిందే కదా'' అని క్యాజువల్ గా అనడంతో ఒరిజినల్ స్టోరీనా లేదా రీమేకా అనే కన్ఫ్యూజన్ మొదలైంది. ఈ నేపథ్యంలో తాజాగా 'సలార్' ఎగ్జిక్యూటివ్ ప్రొడ్యూసర్ కార్తీక్ గౌడ దీనిపై స్పష్టత ఇచ్చాడు.

కార్తీక్ గౌడ ఓ ఇంటర్వ్యూలో మాట్లాడుతూ 'సలార్' సినిమా ఒరిజినల్ స్టోరీతో తెరకెక్కుతోందని.. ప్రభాస్ కోసం ప్రత్యేకంగా రాయబడిందని తెలిపాడు. “సలార్ కథ లాక్ డౌన్ సమయంలో ప్రశాంత్ నీల్ రాసిన ఫ్రెష్ స్టోరీ. దీనికి ప్రభాస్ అయితే ఫపర్ఫెక్ట్ గా ఉంటాడని నీల్ భావించాడు. లక్కీగా ఆయన కథ విన్న వెంటనే ఈ ప్రాజెక్టుకు అంగీకరించారు” అని కార్తీక్ గౌడ చెప్పారు. దీంతో 'సలార్' స్టోరీపై వస్తున్న రూమర్స్ కు చెక్ పడినట్లయింది.