నందమూరి హీరోలతో ఫన్ ఫైట్

సంక్రాంతి సినిమాల్లో సోగ్గాడు అప్పుడే ఓ షాక్ ఇచ్చేశాడు. జనవరి 15న రిలీజ్ కానున్న సోగ్గాడే చిన్ని నాయన చిత్రంలో.. తాను ఓ ఆత్మ పాత్రను పోషించనున్నాడనే విషయాన్ని ఓపెన్ చేసేశాడు నాగ్. అసలు సినిమాకి చాలా కీలకం అయిన ఈ పాయింట్ ని రివీల్ చేయడం రిస్కే అయినా.. ప్రేక్షకులు సరైన అంచనాలతో థియేటర్లకు రావడానికే ఈ స్టెప్ తీసుకున్నాడని చెప్పచ్చు. ఓ ఆత్మ - ఓ కొడుకు కేరక్టర్లతో.. నాగార్జున థియేటర్లలో ఫుల్లు ఎంటర్టెయిన్ మెంట్ పంచనున్నాడు.

మరోవైపు ఎక్స్ ప్రెస్ రాజా మూవీ ఆద్యంతం ఎంటర్టెయినర్ గా అలరించనుందని తెలుస్తోంది. రొమాంటిక్ ఎంటర్టెయినర్ గా రూపొందిన ఎక్స్ ప్రెస్ రాజాలో.. థ్రిల్లింగ్ ఎలిమెంట్స్ కూడా చాలా ఉన్నాయని.. ప్రేక్షకులను ఇవి బాగా ఆకట్టుకుంటాయని అంటున్నారు. సెన్సార్ తో సహా అన్ని కార్యక్రమాలను పూర్తి చేసుకోవడంతో.. ఇప్పుడు సంక్రాంతి రిలీజ్ కి సన్నద్ధమయిపోయాడు ఎక్స్ ప్రెస్ రాజా.

వెంకటాద్రి ఎక్స్ ప్రెస్ లాంటి హిట్ చిత్రాన్ని అందించిన మేర్లపాక గాంధీ.. ఎక్స్ ప్రెస్ రాజా ను కూడా ఫుల్ లెంగ్త్ ఎంటర్టెయినర్ గా రూపొందించాడు. ప్రవీణ్ లక్కరాజు ఇచ్చిన మ్యూజిక్ కు ఇప్పటికే మంచి టాక్ వచ్చింది. ఎక్స్ ప్రెస్ రాజా చిత్రంలో శర్వానంద్ కు జోడీగా సురభి నటించనుండగా.. యూవీ క్రియేషన్స్ బ్యానర్ పై ఈ మూవీ రూపొందింది. ఎక్స్ ప్రెస్ రాజాకు ఇప్పటికే యంగ్ రెబెల్ స్టార్ ప్రభాస్ చేసిన ప్రమోషన్ కూడా బాగా కలిసొచ్చిందని యూనిట్ వర్గాలు అంటున్నాయి. సంక్రాంతికి రిలీజ్ అవుతున్న ఈ మూవీపై.. ఇండస్ట్రీలో అంచనాలు చాలా ఎక్కువగా ఉన్నాయి.

పూర్తిగా ఎంటర్ టెయిన్ మెంట్ జోనర్ నే నమ్ముకున్న సోగ్గాడే చిన్ని నాయన - ఎక్స్ ప్రెస్ రాజాలు.. నందమూరి హీరోల చిత్రాలు వస్తున్నా ఏ మాత్రం భయపడ్డం లేదనే చెప్పాలి. ఇందుకు కారణం.. వాటి జోనర్ తో పోల్చితే ఇవి చాలా భిన్నం. నాగార్జున పల్లెటూరి సోగ్గాడు అయితే.. శర్వానంద్ పూర్తి స్థాయిలో ఎంటర్ టెయిన్ మెంట్ పంచబోతున్నాడు.