ఎక్స్ ప్రెస్ రాజా ఫస్ట్ లుక్ ఇచ్చాడు

రన్ రాజా రన్ సినిమా సక్సెస్ తో మంచి జోష్ మీదున్న శర్వానంద్. ఇప్పడు సెలెక్టివ్ గా సినిమాలను అంగీకరిస్తున్నాడు. ప్రస్తుతం మేర్లపాక గాంధీ దర్శకత్వంలో ఎక్స్ ప్రెస్ రాజాలో నటిస్తున్నాడట శర్వానంద్. వెంకటాద్రి ఎక్స్ ప్రెస్ సినిమాతో దర్శకుడిగా పరిచయమైన మేర్లపాక గాంధీకి తొలిచిత్రంతోనే మంచి విజయాన్ని అందుకున్నాడు. ఈ ఇద్దరి కాంబినేషన్ లో తెరకెక్కుతున్న చిత్రం కావడంతో.. మూవీపై బాగానే అంచనాలున్నాయి. దసరా పండుగ సందర్భంగా... ఎక్స్ ప్రెస్ రాజా ఫస్ట్ లుక్ రిలీజ్ చేశారు. హ్యాపీ బర్త్ డే ప్రభాస్ అంటూ శుభాకాంక్షలు చెప్పడం విశేషం.

పోస్టర్ లో హీరోహీరోయిన్ల జంట శర్వానంద్ - సురభిలు భలే పసందుగా ఉన్నారు. ముఖ్యంగా సురభి బాగానే గ్లామర్ ఒలకబోసిందని అర్దమవుతోంది. పొట్టి డ్రస్ తో.. కుర్రకారును కట్టిపడేసేందుకు సురభి సిద్ధమయిపోతోంది. శర్వానంద్ సూపర్ హిట్ మూవీ టైటిల్ లోంచి రన్ ని పట్టుకొస్తే.. డైరెక్టర్ గాంధీ తన వెంకటాద్రి ఎక్స్ ప్రెస్ నుంచి ఎక్స్ ప్రెస్ పట్టుకొచ్చాడు. రెండూ కలిపి ఎక్స్ ప్రెస్ రాజా అయిపోయాయన్నమాట.

అదీ ఈ మూవీ టైటిల్ వెనుక కథ. ఎక్కువ భాగం హైదరాబాద్ లోనే షూటింగ్ జరుపుకుంటున్న ఈ చిత్రం రోడ్ జర్నీ మూవీ అని తెలుస్తోంది.