అక్కడ కుమ్మేస్తున్న కోబ్రాస్

ఈ సంక్రాంతికి తెలుగు ప్రేక్షకులు ముందుకు నాలుగు సినిమాలు వచ్చి పండుగను ముందే తీసుకు వచ్చాయి. ఎన్టీఆర్ తో మొదలైన ఈ హడావుడి తాజాగా విడుదలైన ఎఫ్2 సినిమాతో పూర్తి అయింది. వరుసగా నాలుగు రోజులు నాలుగు సినిమాలు విడుదల అయ్యాయి. ఎన్టీఆర్ పాజిటివ్ టాక్ దక్కించుకున్న ఆశించిన స్థాయిలో వసూళ్లను రాబట్టడం లేదనే టాక్ వస్తుంది. ఇక వినాయవిధేయ రామ్ నెగటివ్ టాక్ ను తెచ్చుకుంది. పేట ను జనాలు పెద్దగా పట్టించుకోవడం లేదు. ఇక ఎఫ్2 అక్కడ, ఇక్కడ అనే తేడా లేకుండా కుమ్మేస్తోంది.

కథ పెద్దగా లేకున్నా కూడా మంచి కామెడీ ఉండటం వల్ల ప్రేక్షకులు ఈ సినిమాకు బ్రహ్మరథం పడుతున్నారు. పూర్తి స్థాయి ఎంటర్ టైన్ మెంట్ ఉన్న సినిమాలను ప్రేక్షకులు విశేషంగా ఆదరిస్తారని మరో సారి నిరూపితం అయ్యింది. తెలుగు రాష్ట్రాలతో పాటు ఓవర్ సిస్ లో కూడా ఈ సినిమా కుమ్మేస్తోంది. ఈ సినిమాను యుఎస్ లో తక్కువ స్క్రీన్స్ లో విడుదల చేసారు. అయినా కూడా మంచి ఓపెనింగ్స్ ను రాబట్టింది. మొదటి రెండు రోజుల్లో ఈ సినిమా 6.5 లక్షల డాలర్లను వసూళ్లు చేసింది.

మరో రెండు రోజుల్లోనే ఈ సినిమా మిలియన్ డాలర్లను వసూళ్లు చేసే అవకాశం ఉందని ట్రేడ్ విశ్లేషకులు అభిప్రాయం వ్యక్తం చేస్తున్నారు. ఈ సినిమాకు రెండవ వారంలో 25 స్క్రీన్స్ ను పెంచనున్నట్లుగా ఓవర్ సిస్ డిస్ట్రిబ్యూటర్ సంస్థ ప్రకటించింది. తెలుగు రాష్ట్రాల్లో కూడా సినిమా భారీ వసూళ్లు రాబడుతోంది.