Begin typing your search above and press return to search.
'ఎఫ్-3' ఫ్యామిలీ వీడియో: ఈసారి మూడింతల వినోదం గ్యారంటీ..!
By: Tupaki Desk | 19 Nov 2021 4:30 PM GMT
విక్టరీ వెంకటేష్ - మెగా ప్రిన్స్ వరుణ్ తేజ్ హీరోలుగా బ్లాక్ బస్టర్ డైరెక్టర్ అనిల్ రావిపూడి తెరకెక్కిస్తున్న లేటెస్ట్ ఫ్యామిలీ అండ్ కామెడీ ఎంటర్టైనర్ ''ఎఫ్ 3''. 2019 సంక్రాంతికి ఘనవిజయం సాధించిన 'ఎఫ్ 2' ఫ్రాంచైజీలో ఈ సినిమా రూపొందుతోంది. అప్పుడు ఫస్ట్రేషన్ లోని ఫన్ ని చూపించిన అనిల్.. ఇప్పుడు వాటికి ఫైనాన్స్ ని జత చేసి మూడింతల వినోదాన్ని అందించబోతున్నారు. ఈ చిత్రాన్ని 2022 ఫిబ్రవరి 25వ తేదీన విడుదల చేయనున్నట్లు మేకర్స్ ఇది వరకే ప్రకటించారు.
తాజాగా 'ఎఫ్ 3' షూటింగ్ జరుగుతున్న విధానాన్ని తెలియజేస్తూ చిత్ర బృందం ఓ ప్రత్యేక వీడియోని సోషల్ మీడియాలో షేర్ చేసింది. ఈ సందర్భంగా ''మా #F3 కుటుంబం యొక్క అందమైన చిరునవ్వులతో ఆనందాన్ని పాజిటివిటీని పంచబోతున్నాం'' అని పేర్కొన్నారు. ఇందులో వెంకీ - వరుణ్ లతో పాటుగా ఇతర నటీనటులు, టెక్నీషియన్స్ అందరి మొహాలపై చిరునవ్వులు కనిపిస్తున్నాయి. ఈ సినిమా షూటింగ్ అంతా ఆహ్లాదకరమైన వాతావరణంలో జరుగుతున్నట్లు తెలుస్తోంది. సెట్ లోనే ఇన్ని నవ్వులు ఉంటే.. థియేటర్లలో ఈసారి నవ్వులే నవ్వులని అర్థం అవుతోంది.
'ఎఫ్ 3' చిత్రంలో వెంకటేష్ కు జోడీగా తమన్నా భాటియా.. వరుణ్ తేజ్ సరసన మెహ్రీన్ కౌర్ హీరోయిన్లుగా సందడి చేయనున్నారు. బాలీవుడ్ బ్యూటీ సోనాలి చౌహన్ స్పెషల్ రోల్ లో కనిపించనుంది. అలానే సునీల్ - రాజేంద్ర ప్రసాద్ - బొమన్ ఇరానీ - వెన్నెల కిషోర్ - మురళీ శర్మ - రఘుబాబు - శ్రీకాంత్ అయ్యంగార్ - అన్నపూర్ణ - వై. విజయ - ప్రగతి - పృథ్వీరాజ్ తదితరులు ఈ సినిమాలో భాగం అవుతున్నారు.
https://twitter.com/UrsVamsiShekar/status/1461686451230236673?t=6nGLhjpAR8X-Y30lWoB40w&s=19
తాజాగా 'ఎఫ్ 3' షూటింగ్ జరుగుతున్న విధానాన్ని తెలియజేస్తూ చిత్ర బృందం ఓ ప్రత్యేక వీడియోని సోషల్ మీడియాలో షేర్ చేసింది. ఈ సందర్భంగా ''మా #F3 కుటుంబం యొక్క అందమైన చిరునవ్వులతో ఆనందాన్ని పాజిటివిటీని పంచబోతున్నాం'' అని పేర్కొన్నారు. ఇందులో వెంకీ - వరుణ్ లతో పాటుగా ఇతర నటీనటులు, టెక్నీషియన్స్ అందరి మొహాలపై చిరునవ్వులు కనిపిస్తున్నాయి. ఈ సినిమా షూటింగ్ అంతా ఆహ్లాదకరమైన వాతావరణంలో జరుగుతున్నట్లు తెలుస్తోంది. సెట్ లోనే ఇన్ని నవ్వులు ఉంటే.. థియేటర్లలో ఈసారి నవ్వులే నవ్వులని అర్థం అవుతోంది.
'ఎఫ్ 3' చిత్రంలో వెంకటేష్ కు జోడీగా తమన్నా భాటియా.. వరుణ్ తేజ్ సరసన మెహ్రీన్ కౌర్ హీరోయిన్లుగా సందడి చేయనున్నారు. బాలీవుడ్ బ్యూటీ సోనాలి చౌహన్ స్పెషల్ రోల్ లో కనిపించనుంది. అలానే సునీల్ - రాజేంద్ర ప్రసాద్ - బొమన్ ఇరానీ - వెన్నెల కిషోర్ - మురళీ శర్మ - రఘుబాబు - శ్రీకాంత్ అయ్యంగార్ - అన్నపూర్ణ - వై. విజయ - ప్రగతి - పృథ్వీరాజ్ తదితరులు ఈ సినిమాలో భాగం అవుతున్నారు.
'F 3' చిత్రాన్ని శ్రీ వెంకటేశ్వర క్రియేషన్స్ బ్యానర్ పై దిల్ రాజు - శిరీష్ కలిసి నిర్మిస్తున్నారు. హర్షిత్ రెడ్డి సహ నిర్మాతగా వ్యవహరిస్తున్నారు. రాక్ స్టార్ దేవిశ్రీ ప్రసాద్ ఈ చిత్రానికి సంగీతం సమకూరుస్తున్నారు. సాయి శ్రీరామ్ సినిమాటోగ్రఫీ అందిస్తున్నారు. తమ్మిరాజు ఎడిటర్ గా.. ఏఎస్ ప్రకాష్ ఆర్ట్ డైరెక్టర్ గా వర్క్ చేస్తున్నారు. వరుస విజయాలతో దూసుకుపోతున్న అనిల్ రావిపూడి ఈ సినిమాతో ఎలాంటి సక్సెస్ అందుకుంటారోచూడాలి.
