జీవితంలో ఎన్నో కష్టాలు పడ్డాను.. సమంత ఎమోషనల్..!

గుణశేఖర్ దర్శకత్వంలో దిల్ రాజు సమర్పణలో నీలిమ గుణ నిర్మిస్తున్న సినిమా శాకుంతలం. సమంత ప్రధాన పాత్రలో నటించిన ఈ సినిమా ట్రైలర్ రిలీజ్ ఈవెంట్ లేటెస్ట్ గా జరిగింది. కొన్నాళ్లుగా మయోసైటిస్ కారణంగా మీడియాకు దూరంగా ఉంటూ వచ్చిన సమంత ఆఫ్టర్ షార్ట్ గ్యాప్ సినిమా ట్రైలర్ రిలీజ్ ఈవెంట్ లో పాల్గొన్నారు. డైరెక్టర్ గుణశేఖర్ మాట్లడుతూ ఎమోషనల్ అవగా ఆయనతో పాటు సమంత కూడా ఎమోషనల్ అయ్యారు.

ఇక శాకుంతలమ ట్రైలర్ రిలీజ్ ఈవెంట్ లో సమంత మాట్లాడుతూ చాలా రోజులుగా ఈ టైం కోసం ఎదురుచూస్తున్నా.. శాకుంతలం తన మనసుకి చాలా దగ్గరైన సినిమా అని అన్నారు. గుణశేఖర్ గారు ఈ సినిమా కోసం ఎంతో కష్టపడ్డారు.

ఆయన కష్టాన్ని చూసి ఓపిక తెచ్చుకుని ఇక్కడికి వచ్చానని అన్నారు సమంత. కొంతమందికి సినిమా వాళ్ల జీవితంలో భాగంగా ఉంటుంది. కానీ గుణశేఖర్ గారికి సినిమానే జీవితం. ఆయన ప్రతి సినిమాకు పెట్టినట్టుగానే ఈ సినిమాకు ప్రాణం పెట్టారని అన్నారు సమంత.

కథ వినగానే సినిమా ఎలా తీస్తారా అన్న డౌట్ వచ్చింది. కానీ మన ఊహకు దాటి సినిమా కొన్నిసార్లు జరుగుతుంది. శాకుంతలం చూశాక నాకూ అదే అనిపించిందని అన్నారు సమంత. సినిమా చూశాక గుణశేఖర్ కాళ్ల మీద పడ్డానని అన్నారు సమంత.

ఈ సినిమాకు సపోర్ట్ గా నిలిచినందుకు దిల్ రాజు గారికి థ్యాంక్స్ అని చెప్పారు సమంత. జీవితంలో ఎన్నో కష్టాలు ఎదుర్కుంటూ వస్తున్నా కానీ ఒక్కటి మాత్రం ఎప్పటికీ మారదు. అదే సినిమా.. సినిమాను నేను ఎంతగా ప్రేమిస్తానో సినిమా కూడా నన్ను అంతగా ప్రేమిస్తుంది. ఈ మూవీ తో మీ ప్రేమ ఇంకా పెరగాలని అనుకుంటున్నానని అన్నారు సమంత.

వేదిక మీద సమంత మాట్లాడటం మొదలు పెట్టిన టైం లో ఆమె ఫ్యాన్స్ అరిచి గోలలు చేశారు. ఓ విధంగా అనారోగ్యం తో ఉన్న సమంతకు ఫ్యాన్స్ ఇచ్చిన ఈ బూస్టింగ్ ఆమెని త్వరగా కోలుకునేలా చేస్తుందని చెప్పొచ్చు. సౌత్ లో ముఖ్యంగా తెలుగులో ఏదైనా ప్రయోగాలు చేయాలి అంటే అది సమంత మాత్రమే అనేలా ప్రూవ్ చేసుకుంటుంది సమంత.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.