Begin typing your search above and press return to search.
'పుష్ప' విలన్ ఫస్ట్ లుక్: IPS భన్వర్ సింగ్ షెకావత్ గా ఫహాద్‌
By: Tupaki Desk | 28 Aug 2021 10:09 AM GMT
అల్లు అర్జున్ హీరోగా డైరెక్టర్ సుకుమార్ తెరకెక్కిస్తోన్న యాక్షన్ డ్రామా ''పుష్ప''. ఇందులో మలయాళ నేచురల్ స్టార్ ఫహద్‌ ఫాజిల్ ప్రతినాయకుడుగా నటిస్తున్న విషయం తెలిసిందే. డబ్బింగ్ సినిమాలతో తెలుగు ప్రేక్షకులకు దగ్గరైన ఫహాద్‌.. బన్నీ సినిమాలో విలన్ గా నటిస్తుండటంతో అందరి దృష్టి అతని పాత్రపై పడింది. ఈ నేపథ్యంలో తాజాగా ఫహాద్‌ ఫస్ట్ లుక్ ని చిత్ర యూనిట్ విడుదల చేసింది.
మోస్ట్ టాలెంటెడ్ ఫహద్‌ ఫాజిల్ మన పుష్పరాజ్ తో ఢీ కొట్టడానికి IPS భన్వర్ సింగ్ షెకావత్ గా వస్తున్నాడని ''పుష్ప'' మేకర్స్ పేర్కొన్నారు. ఇందులో ఫహాద్‌ గుండు మీద గాటుతో పోలీస్ స్టేషన్ లో టేబుల్ మీద చేతులు ఉంచి ఇంటెన్స్ గా చూస్తున్నారు. సుకుమార్ విలన్ పాత్రను కూడా ప్రత్యేకంగా డిజైన్ చేసినట్లు తెలుస్తోంది. 'తగ్గేదే లే' అంటూ బరిలో దిగే పుష్పరాజ్ కు ఎక్కడా తగ్గకుండా ఫహద్‌ పాత్ర ఉండబోతోందని ఫస్ట్ లుక్ చూస్తే అర్థం అవుతోంది.
''పుష్ప'' సినిమా ద్వారా టాలీవుడ్‌ లో విలన్ గా ఎంట్రీ ఇస్తున్న ఫహద్‌ ఫాజిల్ కు భన్వర్ సింగ్ షెకావత్ పాత్ర ఎలాంటి గుర్తింపు తెచ్చిపెడుతుందో చూడాలి. కాగా, శేషాచలం అడవుల్లో ఎర్రచందనం అక్రమ రవాణా నేపథ్యంలో ఈ సినిమా తెరకెక్కుతోంది. ఇందులో బన్నీ లారీ డ్రైవర్ గా ఊర మాస్ గా కనిపించనున్నాడు. ఇప్పటికే రిలీజైన ఫస్ట్ లుక్ - టీజర్ లలో అల్లు అర్జున్ లుక్ అభిమానులు విశేషంగా అలరించింది.
'పుష్ప' చిత్రంలో బన్నీ సరసన కన్నడ బ్యూటీ రష్మిక మందన్నా హీరోయిన్ గా నటిస్తుండగా.. ప్రకాష్ రాజ్ - జగపతిబాబు - ధనుంజయ్ - అజయ్ - సునీల్ - అనసూయ ఇతర కీలక పాత్రలు పోషిస్తున్నారు. రాక్ స్టార్ దేవిశ్రీ ప్రసాద్ ఈ చిత్రానికి సంగీతం సమకూరుస్తున్నారు. మిరోస్లా కుబా బ్రోజెక్ సినిమాటోగ్రఫీ అందిస్తుండగా.. ఆంటోనీ రూబెన్ ఎడిటింగ్ బాధ్యతలు నిర్వర్తిస్తున్నారు. రసూల్ పూకుట్టి సౌండ్ డిజైనింగ్ చేస్తున్నారు.
పుష్ప' చిత్రాన్ని పాన్ ఇండియా స్థాయిలో రెండు భాగాలుగా విడుదల చేయనున్న సంగతి తెలిసిందే. ఫస్ట్ పార్ట్ ని ''పుష్ప: ది రైజ్'' పేరుతో ఈ ఏడాది డిసెంబర్ లో ప్రేక్షకుల ముందుకు తీసుకురానున్నారు. ఇప్పటికే 'పుష్ప-1' కు సంబంధించిన మెజారిటీ భాగం షూటింగ్ పూర్తి అయింది. ముత్యంశెట్టి మీడియా తో కలసి మైత్రీ మూవీ మేకర్స్ బ్యానర్ పై నవీన్ ఎర్నేని - వై రవిశంకర్ ఈ చిత్రాన్ని భారీ బడ్జెట్ తో నిర్మిస్తున్నారు.
మోస్ట్ టాలెంటెడ్ ఫహద్‌ ఫాజిల్ మన పుష్పరాజ్ తో ఢీ కొట్టడానికి IPS భన్వర్ సింగ్ షెకావత్ గా వస్తున్నాడని ''పుష్ప'' మేకర్స్ పేర్కొన్నారు. ఇందులో ఫహాద్‌ గుండు మీద గాటుతో పోలీస్ స్టేషన్ లో టేబుల్ మీద చేతులు ఉంచి ఇంటెన్స్ గా చూస్తున్నారు. సుకుమార్ విలన్ పాత్రను కూడా ప్రత్యేకంగా డిజైన్ చేసినట్లు తెలుస్తోంది. 'తగ్గేదే లే' అంటూ బరిలో దిగే పుష్పరాజ్ కు ఎక్కడా తగ్గకుండా ఫహద్‌ పాత్ర ఉండబోతోందని ఫస్ట్ లుక్ చూస్తే అర్థం అవుతోంది.
''పుష్ప'' సినిమా ద్వారా టాలీవుడ్‌ లో విలన్ గా ఎంట్రీ ఇస్తున్న ఫహద్‌ ఫాజిల్ కు భన్వర్ సింగ్ షెకావత్ పాత్ర ఎలాంటి గుర్తింపు తెచ్చిపెడుతుందో చూడాలి. కాగా, శేషాచలం అడవుల్లో ఎర్రచందనం అక్రమ రవాణా నేపథ్యంలో ఈ సినిమా తెరకెక్కుతోంది. ఇందులో బన్నీ లారీ డ్రైవర్ గా ఊర మాస్ గా కనిపించనున్నాడు. ఇప్పటికే రిలీజైన ఫస్ట్ లుక్ - టీజర్ లలో అల్లు అర్జున్ లుక్ అభిమానులు విశేషంగా అలరించింది.
'పుష్ప' చిత్రంలో బన్నీ సరసన కన్నడ బ్యూటీ రష్మిక మందన్నా హీరోయిన్ గా నటిస్తుండగా.. ప్రకాష్ రాజ్ - జగపతిబాబు - ధనుంజయ్ - అజయ్ - సునీల్ - అనసూయ ఇతర కీలక పాత్రలు పోషిస్తున్నారు. రాక్ స్టార్ దేవిశ్రీ ప్రసాద్ ఈ చిత్రానికి సంగీతం సమకూరుస్తున్నారు. మిరోస్లా కుబా బ్రోజెక్ సినిమాటోగ్రఫీ అందిస్తుండగా.. ఆంటోనీ రూబెన్ ఎడిటింగ్ బాధ్యతలు నిర్వర్తిస్తున్నారు. రసూల్ పూకుట్టి సౌండ్ డిజైనింగ్ చేస్తున్నారు.
పుష్ప' చిత్రాన్ని పాన్ ఇండియా స్థాయిలో రెండు భాగాలుగా విడుదల చేయనున్న సంగతి తెలిసిందే. ఫస్ట్ పార్ట్ ని ''పుష్ప: ది రైజ్'' పేరుతో ఈ ఏడాది డిసెంబర్ లో ప్రేక్షకుల ముందుకు తీసుకురానున్నారు. ఇప్పటికే 'పుష్ప-1' కు సంబంధించిన మెజారిటీ భాగం షూటింగ్ పూర్తి అయింది. ముత్యంశెట్టి మీడియా తో కలసి మైత్రీ మూవీ మేకర్స్ బ్యానర్ పై నవీన్ ఎర్నేని - వై రవిశంకర్ ఈ చిత్రాన్ని భారీ బడ్జెట్ తో నిర్మిస్తున్నారు.
