పుష్ప‌.. ఈవిల్ ఎప్పుడూ అంత‌ ప్ర‌మాదక‌ర‌మైన‌ది కాదు

దుష్ట శ‌క్తి ఎప్పుడూ బ‌లంగా క‌నిపిస్తుంది. దైవ‌శ‌క్తి మీద పైచేయి సాధించిన‌ట్టే అనిపిస్తుంది. కానీ అంతిమంగా దైవ‌శక్తి పుంజుకుని దుష్ఠ‌శ‌క్తిని అణ‌చివేస్తుంది. చాలా సినిమాల్లో ఇది అండ‌ర్ క‌రెంట్ థీమ్ గా ర‌న్ అయ్యింది. ఇప్పుడు `పుష్ప` సినిమాలోనూ ఇదే అండ‌ర్ క‌రెంట్ థీమ్. ``ఈవిల్ ఎప్పుడూ అంత ప్ర‌మాద‌క‌ర‌మైన‌ది కాదు!!`` అంటూ ఫ‌హ‌ద్ ఫాజిల్ లుక్ ని నేడు చిత్ర‌బృందం రిలీజ్ చేసింది. `ఈవిల్ -ఐ`ని ఎంతో క్రూరంగా ఆవిష్క‌రించిన తీరు ఏదో రెడ్ సిగ్న‌ల్ ఇస్తున్న‌ట్టే క‌నిపిస్తోంది.

గంధ‌పు చ‌క్క‌ల స్మ‌గ్ల‌ర్ అయిన పుష్ప‌రాజ్ ని వెతుకుతూ వ‌చ్చే ఈవిల్ మ్యాన్ గా ఫ‌హ‌ద్ ఫాజిల్ క‌నిపిస్తారా? క్రూరుడైన విల‌న్ గా అత‌డి ఆహార్యం ఎలా ఉండ‌నుంది? అన్న‌ది ఇప్పుడు స‌స్పెన్స్ గా మారింది. ఇంత‌కీ స్మ‌గ్లింగ్ చేసేవాడు ఈవిలా.. లేక వాడిని వెతికేవాడు ఈవిలా? అన్న‌దానికి కూడా సుక్కూ తెర‌పైనే ఆన్స‌ర్ చెబుతాడేమో!

నేడు ఫ‌హ‌ద్ ఫాజిల్ బ‌ర్త్ డే సంద‌ర్భంగా ఈ స్పెష‌ల్ పోస్ట‌ర్ ని రిలీజ్ చేసి చిత్ర‌బృందం శుభాకాంక్ష‌లు తెలిపింది. పోస్ట‌ర్ ని స్ప‌ష్ఠంగా ప‌రిశీలిస్తే గంధ‌పు చెట్టులోంచి చూస్తున్న ఈవిల్ ఐ క‌నిపిస్తోంది. అక్క‌డే ఉంది అస‌లు ట్విస్టు. చిత్తూరు నేప‌థ్యంలో లోక‌ల్ యాస‌తో ఈ సినిమాలో చాలా ట్విస్టుల‌నే సుక్కూ రివీల్ చేయ‌నున్నాడ‌న్న టాక్ ఉంది. పుష్ప 1 ని ద‌స‌రా కానుక‌గా రిలీజ్ చేయాల‌న్న‌ది ప్లాన్. త‌దుప‌రి కొంత గ్యాప్ తీసుకుని సుక్కూ పుష్ప పార్ట్ 2 పైనా దృష్టి సారిస్తారు. మ‌ల‌యాళ సూప‌ర్ స్టార్ ఫ‌హ‌ద్ ఫాజిల్ 39వ ప‌డిలో అడుగుపెడుతున్నాడు. 40 లో అడుగుపెట్ట‌క ముందే అత‌డు జాతీయ అవార్డ్ గ్ర‌హీత‌గా చాలా సాధించాడు. పుష్ప‌తో త‌న స్టార్ డ‌మ్ ని పాన్ ఇండియా రేంజుకు విస్త‌రించ‌నున్నాడు. నేడు వ‌ర‌ల్డ్ వైడ్ గా ఉన్న అత‌డి అభిమానులు పుట్టిన‌రోజు శుభాకాంక్ష‌లు తెలిపారు. ఫ‌హ‌ద్ న‌టిస్తున్న ఇత‌ర సినిమాల పోస్ట‌ర్లు వెల్లువ‌లా రిలీజ‌య్యాయి.