వామ్మో ఇది పీక్స్.. ఖైదీకి ట్రంప్ ట్వీట్

''ఇప్పుడే చిరంజీవితో మాట్లాడాను. గ్రేట్ పర్సన్. గ్రేట్ మూవీ. మెలానియా.. ఇవాంకాతో కలసి ఖైదీ నెం 150 చూస్తున్నాను. బాస్ ఈజ్ బ్యాక్'' అంటూ ఇప్పుడు డొనాల్డ్ ట్రంప్ వేసిన ఒక ట్వీట్ ట్విట్టర్లో రచ్చ చేస్తోంది. ట్రంప్ అంటే ట్రంప్ కాదండోయ్.. ఎవరో ఆకతాయి అలా డొనాల్డ్ ట్రంప్ ట్వీటేసినట్లు ఒక ఇమేజ్ క్రియేట్ చేసి దానిని విపరీతంగా ప్రచారం చేయడంతో.. ఇక ట్విట్టర్ హోరెత్తిపోయింది.

అదిగో పైన చూస్తున్నారుగా.. స్వయంగా డొనాల్డ్ ట్రంప్ ట్వీటేసినట్లు ఒక ఇమేజ్ ను తయారుచేసి వదిలారు. దీనిపై ఇప్పుడు ట్విట్టర్లో నానా హంగామా చేస్తున్నారులే. కావాలనే యాంటి ఫ్యాన్స్ ఇలా చిరంజీవిపై జోకులు వేస్తున్నారని మెగా ఫ్యాన్స్ ఆరోపిస్తుంటే.. ఇతరుల ఫ్యాన్స్ మాత్రం చిరంజీవి ఫ్యాన్సే తమ సినిమా స్థాయిని చూపించుకోవడానికి ఇలాంటి ప్రచారులు చేసుకుంటున్నారని వారు ఆరోపిస్తున్నారు. ఏదేమైనా కూడా ఇలాంటి ట్వీట్లు చాలా కామెడీగా నవ్వులు పూయిస్తున్నాయి.

ఒక ప్రక్కన సదరు సినిమాలు కూడా బాగానే ఆడుతున్నాయి కాబట్టి.. ఇలాంటి ట్వీట్ కామెడీలు ఎన్ని చేసినా కూడా హ్యాపీగా నవ్వుకోవచ్చు. అదే ఫ్లాపు సినిమాలపై చేస్తేనే.. జనాలు హర్టవుతారు.

Like Us on Facebook : https://www.facebook.com/Tupakidotcom/