అందాల రాశిపై దుష్ప్ర‌చారం?

రంగుల ప్ర‌పంచంలో ఎప్పుడు ఏం జ‌రుగుతుందో చెప్ప‌లేం. ప‌రిశ్ర‌మ‌ ఓసారి నెత్తిన పెట్టుకుని పూజిస్తుంది. ఇంకోసారి పూర్తిగా కిందికి దించేస్తుంది. కొంద‌రిని పాతాళానికి తొక్కేసిన సంద‌ర్భాలుంటాయి. ఇందుకు క‌థానాయిక‌లు సైతం అతీతులేం కాదు. ఫేవ‌ర్ చేయ‌క‌పోయినా - హిట్టు రాక‌పోయినా తొలిగా నింద ఎదుర్కోవాల్సింది క‌థానాయిక‌లే. ఈ త‌ర‌హా నింద‌కు కార‌ణం ర‌క‌రాల కోణాల్లో ఉంటుంది. ఇదిగో ఇటీవ‌లి కాలంలో అందాల‌ రాశీఖ‌న్నాపై సాగుతున్న ప్ర‌చారం చూస్తుంటే ఇలాంటి ఎన్నో సందేహాలు క‌ల‌గ‌కుండా ఉండ‌వు.

`ఊహ‌లు గుస‌గుస‌లాడే` చిత్రంతో విజ‌యం అందుకుని - అటుపై ప‌లు క్రేజీ చిత్రాల్లో న‌టించిన రాశీఖ‌న్నా ఇంకా కెరీర్ ప‌రమైన స్ట్ర‌గుల్ ఎదుర్కొనే స‌న్నివేశంలోనే ఉందేమో! అన్న సందేహాలు క‌ల‌గ‌క మాన‌వు. హిట్టును మాత్ర‌మే న‌మ్మే ప‌రిశ్ర‌మ‌లో ఆ హిట్టు ముఖం చాటేస్తే ఆ త‌ప్పులో హీరోయిన్ భాగ‌స్వామ్యాన్ని త‌ప్ప‌క వేలెత్తి చూపిస్తారు. ప్ర‌స్తుతం రాశీ అలాంటి ఫేజ్‌ నే ఎదుర్కొంటోందా? అన్న డౌట్ పుడుతోంది. రీసెంట్ గాసిప్పుల్లో రాశీపై పుడుతున్న పుకార్లు ఆ రేంజులో ఉన్నాయి మ‌రి. ఇక పుండు మీద కారంలా `శ్రీ‌నివాస‌క‌ళ్యాణం` ఫ‌లితం రాశీపై దుష్ప్ర‌చారానికి కార‌ణ‌మ‌వుతోంద‌న్న సందేహాలు రాజుకుంటున్నాయ్‌.

రాశీకి నిర్మాత దిల్‌ రాజుతో విభేధాలున్నాయ‌ని వేరొక ప్ర‌చారం ఫిలింన‌గ‌ర్‌ - కృష్ణాన‌గ‌ర్‌ లో జోరుగా సాగుతోంది. త‌నను హీరోయిన్‌ గా తీసుకోవ‌ద్ద‌ని దిల్‌ రాజు ఇత‌ర నిర్మాత‌ల‌కు ఫోన్ చేస్తున్నార‌ని ప్ర‌చారం సాగుతోంది. మ‌రోవైపు ఎన్టీఆర్ చిత్రంలో జ‌య‌ప్ర‌ద పాత్ర‌ను ఆఫ‌ర్ చేస్తే రాశీ ఇంకా ఆలోచిస్తోంద‌ని - ఒక పాట ఒక సీన్‌ కే ప‌రిమితమ‌య్యే రోల్‌ కావ‌డంతో ఇలా చేస్తోంద‌ని ప్ర‌చార‌మ‌వుతోంది. అయితే ఈ ప్ర‌చారంలో నిజం ఎంత‌? పుకార్ ఎంత‌? అన్న‌ది తెలియాల్సి ఉందింకా. దీనిపై రాశీ వివ‌ర‌ణ ఇస్తుందా? అన్న‌ది చూడాలి. హైద‌రాబాద్‌ లో సెటిలైన రాశీ టాలీవుడ్ కెరీర్‌ ని పెద్ద రేంజులో ఆశిస్తోంది. ఇలాంటి వేళ ఈ ప్ర‌చారం త‌న‌కు ఇబ్బందిక‌ర‌మేన‌న‌డంలో సందేహం లేదు.