ఫ్యామిలీమ్యాన్ 2 ట్రైల‌ర్ అండ్ రిలీజ్ డేట్

తీవ్ర‌వాదం.. స‌రిహద్దు ఇంటెలిజెన్స్ ఆప‌రేష‌న్ నేప‌థ్యంలో ఆద్యంతం ర‌క్తి క‌ట్టించిన సిరీస్ ఫ్యామిలీమ్యాన్. తెలుగు కుర్రాళ్లు రాజ్ అండ్ డీకే ఈ వెబ్ సిరీస్ ని తెర‌కెక్కించారు. మ‌నోజ్ భాజ్ పాయ్ ఇందులో ఎన్.ఐ.ఏ అధికారిగా న‌టించగా.. ప్రియ‌మ‌ణి అత‌డి భార్య పాత్రను పోషించారు. అమెజాన్ ప్రైమ్ లో ఈ సిరీస్ విజ‌య‌వంతంగా స్ట్రీమింగ్ అయ్యింది. మొద‌టి వేవ్ స‌మ‌యంలో ఈ సిరీస్ ని ఎంద‌రో వీక్షించారు.

అప్ప‌టి నుంచి ఫ్యామిలీ మ్యాన్ సీజ‌న్ 2 కోసం అభిమానులు ఎంతో ఆస‌క్తిగా వేచి చూస్తున్నారు. ఈసారి సీజ‌న్ 2 మ‌రింత మ‌సాలా ద‌ట్టించి ఆద్యంతం ర‌క్తి క‌ట్టిస్తుంద‌ని ద‌ర్శ‌క‌నిర్మాత‌లు వెల్ల‌డించ‌డంతో ఉత్కంఠ మ‌రింత పెరిగింది. సీజ‌న్ 2లో అక్కినేని కోడ‌లు స‌మంత నెగెటివ్ షేడ్ ఉన్న పాత్ర‌లో న‌టిస్తుండ‌డంతో దానిపై మ‌రింత క్యూరియాసిటీ పెరిగింది. అయితే క‌రోనా ప్ర‌భావంతో షూటింగ్ డిలే ఒక స‌మ‌స్య అయితే.. నెట్ ఫ్లిక్స్ వివాదాలు.. వెబ్ సిరీస్ ల‌పై ఆంక్ష‌ల నేప‌థ్యంలో ఫ్యామిలీమ్యాన్ 2 రిలీజ్ అంత‌కంత‌కు ఆల‌స్య‌మైంది.

ఎట్ట‌కేల‌కు ఈ సిరీస్ ని అమెజాన్ ప్రైమ్ లో రిలీజ్ చేసేందుకు స‌న్న‌ద్ద‌మ‌వుతున్నార‌ని తెలిసింది. ఈ బుధ‌వారం (మే19) ట్రైల‌ర్ ని లాంచ్ చేస్తున్నారు. ఇందులోనే రిలీజ్ తేదీని ప్ర‌కటిస్తార‌ని అభిమానులు ఆస‌క్తిగా వేచి చూస్తున్నారు. ట్రైల‌ర్ క్యూరియాసిటీని మ‌రింత పెంచుతుంద‌నే భావిస్తున్నారు. నెట్ ఫ్లిక్స్ లో ఫ్యామిలీమ్యాన్ క‌ర్త‌లు రాజ్ అండ్ డీకే నిర్మించిన సినిమా బండి చిత్రం పెద్ద స‌క్సెసైన సంగ‌తి తెలిసిందే. ప్ర‌వీణ్ కె అనే కుర్రాడిని ఈ చిత్రంతో ద‌ర్శ‌కుడిగా ప‌రిచ‌యం చేసారు.