`ఫ్యామిలీ మ్యాన్ 2` రాసింది త‌మిళులే.. ఎవ‌రినీ కించ‌ప‌ర‌చ‌లేదు!

ప్ర‌పంచ‌వ్యాప్తంగా ఫ్యామిలీమ్యాన్ సీజ‌న్ 2 వీక్ష‌ణ కోసం అభిమానులు వేచి చూస్తున్న సంగ‌తి తెలిసిందే. ఈలోగానే ట్రైల‌ర్ తో వివాదం రాజుకుంది. ఇందులో త‌మిళ టైగ‌ర్ల మ‌నోభావాల్ని కించ‌ప‌రిచే అంశాలున్నాయ‌ని ప్రీమియ‌ర్ లు ర‌ద్దు చేయాల‌ని త‌మిళ ప్ర‌భుత్వం కేంద్రానికి విన్న‌వించింది. వెబ్ సిరీస్ ఈలం తమిళులను తక్కువ వెలుగులో చూపిస్తుందని ఊహాగానాలు వచ్చాయి. ఈ సిరీస్ ని నిషేధించాలని రాజ్యసభ ఎంపి వైకో డిమాండ్ చేశారు. దీనికి ఐ అండ్ బి మంత్రిత్వ శాఖకు లేఖ రాశారు.

తాజాగా దీనిపై ద‌ర్శ‌క‌నిర్మాత‌లు రాజ్ అండ్ డీకే ఒక ప్రకటన విడుదల చేశారు. ట్రైలర్ లోని కేవలం కొన్ని షాట్ల ఆధారంగా కొన్ని అంచనాలు ముద్రలు వేశారు. మా ప్రధాన తారాగణం సభ్యులు అలాగే సృజనాత్మక రచనా బృందంలోని ముఖ్య సభ్యులు తమిళులు. తమిళ ప్రజల మనోభావాలు .. తమిళ సంస్కృతి గురించి మాకు బాగా తెలుసు.. మన తమిళ ప్రజల పట్ల ఎంతో ప్రేమ- గౌరవం తప్ప మరేమీ లేవు`` అని వారు ఒక ప్రకటనలో తెలిపారు. సమంత -మనోజ్ బాజ్ పేయి దర్శకుల వెర్ష‌న్ ని స‌మ‌ర్థింఆరు. తమిళ ప్రజలపై తమకు గౌరవం ఉందని త‌మిళుల్ని కించ‌ప‌రిచే ఉద్ధేశాలేవీ లేవ‌ని అన్నారు. ఫ్యామిలీ మ్యాన్ 2 సృజనాత్మక రచనా బృందంలోని పలువురు ముఖ్య సభ్యులలో తమిళులు ఉన్నారని క‌న్ఫామ్ చేశారు. సిరీస్ కోసం వేచి ఉండి చూడండి అని మేకర్స్ అందరికీ విజ్ఞప్తి చేశారు.

సీజన్ 1 త‌ర‌హాలోనే సున్నితమైన సమతుల్య ఉత్సాహపూరితమైన కథను తెర‌పైకి తేవ‌డానికి వారు చాలా పెయిన్ తీసుకున్నారని షోని ప్రేక్షకులు ఇష్టపడతారని అభినందిస్తాని వారు చెప్పారు. సీజ‌న్ 2లో నూ మనోజ్ బాజ్ పేయి- ప్రియమణి భార్యాభర్తలుగా కనిపిస్తారు. అయితే సీజన్ 2 లో సమంత నెగెటివ్ పాత్రలో కనిపిస్తారు. జూన్ 4 నుండి అమెజాన్ ప్రైమ్ లో వెబ్ సిరీస్ ప్రసారం కానుంది.