కాళ్ల మీద పడిన ఫ్యాన్.. పవన్ ఏం చేశాడంటే..

స్టార్ హీరోలకు ఫ్యాన్స్ ఏ రేంజులో ఉంటారో అందిరకీ తెలిసిందే. అయితే కొంతమంది స్టారాదిస్టారులకు మాత్రం ఏకంగా పాలతో అభిషేకాలు.. కనిపిస్తే కాళ్ల మీద పడిపోయే ఫ్యాన్స్ కూడా ఉంటారు. అయితే అటువంటి ఫ్యాన్స్ అందరూ ఎప్పుడుపడితే అప్పుడు క్రేజీగా బిహేవ్ చేస్తే ఎలా ఉంటుంది? అదిగో అజ్ఞాతవాసి ఆడియో ఫంక్షన్లో అలాంటి సంఘటనే జరిగింది.

యాంకర్ సుమ.. పవన్ కళ్యాణ్‌ ను స్టేజీ మీదకు పిలువగానే.. వెంటనే వచ్చేశాడు పవన్. అలా ఆయన వచ్చాడో లేదో.. వెంటనే ఒక బక్కపలచటి కుర్రాడి స్టేజీ కింద నుండే ఆయన కాళ్ళను పట్టేసుకుని.. ఆయన కాల్ళ మీదకు పాకేసి.. సాష్టాంగపడిపోయి.. నానా భీబత్సం సృష్టించేశాడు. షాకులోనుండి టక్కున తేరుకున్న పవన్ సెక్యురిటీ సేన.. వెంటనే అతగాడిని ప్రక్కకు లాగేసే ప్రయత్నం చేశారు. కాని ఆ కుర్రాడిని అలా ఇడ్చేయటం చూసి తట్టుకోలేకపోయిన పవర్ స్టార్.. వెంటనే వారిని ఆగమని చెప్పి.. వెనక్కి పిలిచి.. ఆ కుర్రాడిని ఏం కావాలంటూ అడిగాడు. అతను కేవలం ఒక సెల్ఫీ కావాలి అనడంతో.. ఆ సెల్ఫీ దించి పంపించాడు. ఆ విధంగా పవన్ తన వినయవినమ్రతతో మెప్పించాడు.

ఆ తరువాత తన స్పీచ్ ఇస్తున్న సందర్భంలో కూడా పవన్ కు అటువంటి క్రేజీ ఫ్యాన్స్ వలన ఇబ్బంది ఏమీ ఉండదని.. కాకపోతే సమాయభావం వలన వారిని అందరినీ పేరుపేరునా పిలుస్తూ కలవలేను అంటూ సెలవిచ్చాడు.