ఈ హీరోల ఫ్యాన్స్‌ రచ్చ కూడా మొదలైంది

ఈమద్య కాలంలో స్టార్‌ హీరోల ఫ్యాన్స్‌ సోషల్‌ మీడియా వార్‌ గురించి వింటూనే ఉన్నాం. ఒక హీరోపై మరో హీరో అభిమానులు బ్యాడ్‌ కామెంట్స్‌ చేయడం.. ఒక హీరో సినిమా గురించి మరో హీరో అభిమానులు బ్యాడ్‌ గా ప్రచారం చేయడం చూస్తూనే ఉన్నాం. అయితే ఇప్పటి వరకు ఈ జాడ్యం కేవలం టాలీవుడ్‌ స్టార్‌ హీరోలు అయిన పవన్‌.. ప్రభాస్‌.. చరణ్‌.. ఎన్టీఆర్‌.. అల్లు అర్జున్‌ వంటి స్టార్స్‌ ఫ్యాన్స్‌ కే పరిమితం అయ్యింది. ఇప్పుడు టైర్‌ 2 హీరోల ఫ్యాన్స్‌ మద్య కూడా మొదలైంది.

టాలీవుడ్‌ లో విజయ్‌ దేవరకొండ.. నాని.. నాగచైతన్య.. వరుణ్‌ తేజ్‌.. సాయి ధరమ్‌ తేజ్‌ వంటి హీరోలకు సోషల్‌ మీడియాలో టైర్‌ 2 హీరోలు అంటూ పేరు పెట్టారు. ఇప్పుడు వీరి ఫ్యాన్స్‌ కూడా టైర్‌ 2 హీరోల రికార్డు అంటూ లెక్కలు వేసుకుంటున్నారు. నిన్న విడుదలైన నాని 25వ చిత్రం వి టీజర్‌ గురించి సోషల్‌ మీడియాలో పెద్ద ఎత్తున చర్చ జరుగుతోంది. ఈ టీజర్‌ ను విజయ్‌ దేవరకొండ తాజా చిత్రం వరల్డ్‌ ఫేమస్‌ లవర్‌ చిత్రం టీజర్‌ తో పోల్చుతూ.. ఆ వీడియో ఈ వీడియో యూట్యూబ్‌ వ్యూస్‌.. లైక్స్‌ తో పోలుస్తూ పోస్ట్‌ లు పెడుతున్నారు.

70 నిమిషాల్లో వి మూవీ 50 వేల లైక్స్‌ ను యూట్యూబ్‌ లో దక్కించుకుంది. అదే 50 వేల లైక్స్‌ ను దక్కించుకునేందుకు వరల్డ్‌ ఫేమస్‌ లవర్‌ కు 72 నిమిషాలు పట్టిందని.. టైర్‌ 2 హీరోల్లో నానిదే బెస్ట్‌ రికార్డు అంటూ నాని ఫ్యాన్స్‌ అంటున్నారు. నానికి పోటీగా విజయ్‌ దేవరకొండ రాలేడు అంటున్నారు. విజయ్‌ దేవరకొండ వరుస ఫ్లాప్‌ లు అంటూ కూడా నాని ఫ్యాన్స్‌ కామెంట్స్‌ చేస్తున్నారు. ఎవడ్రా రౌడీ.. ఎవరికి రా రౌడీ అంటూ నాని ఫ్యాన్స్‌ సోషల్‌ మీడియాలో విజయ్‌ దేవరకొండను ఉద్దేశించి పోస్ట్‌ చేస్తున్నారు.

మొన్నటి వరకు స్టార్‌ హీరోల ఫ్యాన్స్‌ వరకే పరిమితం అయిన ఈ రచ్చ ఇప్పుడు టైర్‌ 2 హీరోల ఫ్యాన్స్‌ మద్య కూడా మొదలవ్వడంతో ఇకపై అంతా రచ్చ రచ్చగా సోషల్‌ మీడియాలో ఉంటుందేమో.