బాలీవుడ్ హీరోలపై ఫ్యాన్స్ ఫైర్..?

క‌రోనా ఎఫెక్ట్ సహాయార్థం ప్ర‌భుత్వ స‌హాయ నిధుల‌కు సౌత్ ఇండియన్ స్టార్స్ విరాళాలు ప్ర‌క‌టిస్తూ ఉన్నారు. టాలీవుడ్ లోని ప్రముఖ హీరోలందరూ తమకు తోచిన విధంగా విరాళాలు ప్రకటిస్తూ ఉన్నారు. ఏపీ - తెలంగాణ ముఖ్య‌మంత్రుల స‌హాయ నిధుల‌కు డొనేట్ చేశారు. అయితే సౌత్ ఇండియన్ స్టార్ హీరోలు క‌రోనా బాధితుల కోసం ప్ర‌భుత్వ స‌హాయ నిధికి ప్ర‌క‌టించిన విరాళాల‌ను నార్త్ ఇండియన్ వాళ్ళు గొప్పగా చెప్పుకుంటున్నారట. చిరంజీవి - నాగార్జున - ప్ర‌భాస్ - ప‌వ‌న్ క‌ల్యాణ్ - మ‌హేశ్ బాబు - అల్లు అర్జున్ - రామ్ చ‌ర‌ణ్ వంటి వాళ్లు ఏపీ-తెలంగాణ ప్ర‌భుత్వాల కు విరాళాలు ప్ర‌క‌టించార‌ని - అయితే బాలీవుడ్ హీరోలు మాత్రం స్పందించ‌డం లేదంటూ అక్క‌డి నెటిజ‌న్లు సోష‌ల్ మీడియాలో కడిగేస్తున్నారట.

బాలీవుడ్ స్టార్ హీరోలుగా చ‌లామ‌ణి అయ్యే ముగ్గురు ఖాన్లు కానీ - అక్క‌డ దేశ భ‌క్తి - సోష‌ల్ రెస్పాన్సిబులిటీ అంటూ సినిమాలు తీసి క్యాష్ చేసుకునే హీరోలు కానీ ఎవ్వ‌రూ ఇప్ప‌టి వ‌ర‌కూ విరాళాలు ప్ర‌క‌టించింది లేదు. ఈ నేప‌థ్యంలో వారి పేర్ల‌ను ప్ర‌స్తావిస్తూ నెటిజ‌న్లు విరుచుకుప‌డుతున్నారు. సినిమాల‌తో త‌మ‌ను క్యాష్ చేసుకునే హీరోలు.. ఇలాంటి స‌మ‌యంలో మాత్రం స్పందించ‌డం లేదంటూ, వారు సోషల్ మీడియా ద్వారా విరుచుకుప‌డుతూ ఉన్నారు. అయినా ఇప్ప‌టి వ‌ర‌కూ ఏ బాలీవుడ్ స్టార్ నుంచి ఈ విష‌యంలో స్పంద‌న లేక‌పోవ‌డం గ‌మ‌నార్హం. ఇప్పటికైనా స్పందించి సహాయం చేస్తారేమో చూడాలి.