ప్ర‌భాస్ నిర్ణ‌యంపై ఫ్యాన్స్ ఫుల్ హ్య‌పీ.. ఎందుకు?

'బాహుబ‌లి'తో పాన్ ఇండియా స్టార్ గా పేరు తెచ్చుకున్నారు ప్ర‌భాస్‌. ఆ త‌రువాత నుంచి ఆయ‌న ఏ సినిమా చేసినా ఆ రేంజ్ లోనే చేస్తూ వ‌స్తున్నారు. ప్ర‌స్తుతం ప్ర‌భాస్ చేస్తున్న నాలుగు చిత్రాలు కూడా పాన్ ఇండియా రేంజ్ సినిమాలే అన్న విష‌యం తెలిసిందే. ఇదిలా వుంటే ప్ర‌భాస్ న‌టించిన 'రాధేశ్యామ్‌' ఇటీవ‌ల విడుద‌లైంది. దాదాపు మూడేళ్లుగా ఈ ప్రాజెక్ట్ కోసం అభిమాన‌లు ఆస‌క్తిగా ఎదురుచూశారు. అయితే వారి అంచ‌నాల‌ని అందు కోవ‌డంలో మాత్రం ఈ చిత్రం విఫ‌ల‌మైంది.

దీంతో ఫ్యాన్స్ చాలా నిరుత్సాహంతో వున్నార‌ట‌. ఎట్టిప‌రిస్థితుల్లోనూ నెక్స్ట్ సినిమాతో బ్లాక్ బ‌స్ట‌ర్ హిట్ ని సొంతం చేసుకోవాల‌ని భావిస్తున్నార‌ట‌. ఈ నేప‌థ్యంలో ద‌ర్శ‌కుడు ప్ర‌శాంత్ నీల్ 'కేజీఎప్ చాప్ట‌ర్ 1'కు ఫ్రాంచైజీగా తెర‌కెక్కించిన 'కేజీఎఫ్ చాప్ట‌ర్ 2' విడుద‌లైంది. య‌ష్ హీరోగా న‌టించిన ఈ చిత్రంపై భారీ అంచ‌నాలు నెల‌కొన‌డంతో ఈ చిత్రం బాక్సాఫీస్ వ‌ద్ద భారీ ఓపెనింగ్స్ ని రాబ‌ట్టి ఇండియాలోనే బిగ్గెస్ట్ ఓపెన‌ర్ గా నిలిచి స‌రికొత్త రికార్డుని సాధించింది.

ఓ డ‌బ్బింగ్ మూవీ దేశ వ్యాప్తంగా ఫ‌స్ట్ డే అత్య‌ధిక వ‌సూళ్ల‌ని రాబ‌ట్టిన చిత్రంగా నిలిచి బాలీవుడ్ క్రేజీ చిత్రాల రికార్డుల్ని తిర‌గ‌రాయ‌డం ఇప్ప‌డు హాట్ టాపిక్ గా మారింది. ఈ టాక్ ని విన్న ప్ర‌భాస్ ఫ్యాన్స్ పండ‌గ చేసుకుంటున్నారు.

కార‌ణం ఈ మూవీ త‌రువాత ద‌ర్శ‌కుడు ప్ర‌శాంత్ నీల్ హీరో ప్ర‌భాస్ తో 'స‌లార్‌' చిత్రాన్ని రూపొందిస్తున్నారు. కేజీఎఫ్ బ్లాక్ బ‌స్ట‌ర్ టాక్ బ‌య‌టికి రావ‌డంతో ఖ‌చ్చితంగా 'స‌లార్' ని కూడా ప్ర‌శాంత్ నీల్ బ్లాక్ బ‌స్ట‌ర్ గా నిల‌ప‌డం ఖాయ‌మ‌ని సంబ‌ర‌పడుతున్నార‌ట‌.

'రాధేశ్యామ్‌' విష‌యంలో ప్ర‌భాస్ త‌ప్పుడు నిర్ణ‌యం తీసుకున్నా ఈ మూవీ త‌రువాత 'స‌లార్‌' లో న‌టిస్తూ మంచి నిర్ణ‌యం తీసుకున్నార‌ని, 'కేజీఎఫ్ 2' స‌క్సెస్ త‌మ‌కు బాగా క‌లిసి వ‌స్తుంద‌ని ఆనందాన్ని వ్య‌క్తం చేస్తున్నార‌ట‌. 'బాహుబ‌లి' సీరీస్ ప్ర‌భాస్ ని పాన్ ఇండియా స్టార్ గా నిల‌బెట్టి దేశ వ్యాప్తంగా మంచి క్రేజ్ ని తెచ్చి పెట్టాయి. అయితే ఆ త‌రువాత ప్ర‌భాస్ నుంచి వ‌చ్చిన 'సాహో' ఉత్త‌రాదిలో ఊపేసింది కానీ ద‌క్షిణాదిలో పెద్ద‌గా ప్ర‌భావాన్ని చూపించ‌లేక‌పోయింది.

ఇక రీసెంట్ గా వ‌చ్చిన 'రాధేశ్యామ్‌' భారీ డిజాస్ట‌ర్ గా నిలిచింది. ఈ మూవీ వ‌ల్ల చాలా వ‌ర‌కు డిస్ట్రి బ్యూట‌ర్లు కోట్ల‌ల్లో న‌ష్టాల‌ని చ‌వి చూశారు. దీంతో ప్ర‌భాస్ అభిమానుల‌తో పాటు డిస్ట్రిబ్యూట‌ర్లు కూడా 'స‌లార్‌'లో సాలీడ్ బ్లాక్ బ‌స్ట‌ర్ ని ప్ర‌భాస్ సొంతం చేసుకోవాల‌ని, ఈ విష‌యంలో భారం మొత్తం ప్ర‌శాంత్ నీల్ పైనే వేస్తున్నార‌ట‌. 'కేజీఎఫ్ చాప్ట‌ర్ 2' లో య‌ష్ ఎలివేష‌న్ ల‌ని చూసిన ప్ర‌భాస్ ఫ్యాన్స్ 'స‌లార్‌'లో భూమ్ బ‌ద్ద‌లే అని సోష‌ల్ మీడియాలో ప్ర‌చారం చేస్తుండ‌టం విశేషం.