ఫ్యాన్స్ ను లైన్లో నిలబెట్టిన హీరో

హీరో అయినా హీరోయిన్ అయినా వాలా ప్రాంతంలో షూటింగుకు వస్తున్నారంటే ఇంకా ఆ ఊరి జనం అంతా ఎగబడి మరీ ఆటోగ్రాఫులు, ఫోటోగ్రాఫులు తీసుకుంటారమే విషయం అందరికి తెలిసిందే. సెలెబ్రిటీలు కూడా ఫాన్స్ ను బాగా ఆదరించి వారితో కాసేపు సరదాగా మాట్లాడతారు. అలా వచ్చిన ఫాన్స్ ని ఒక బాలీవుడ్ హీరో లైన్లో నిలబెట్టాడంట.

ఆ బాలీవుడ్ హీరో ఎవరో కాదు రణ్వీర్ సింగ్. ఎప్పుడు ఎనర్జిటిక్ గా ఉంటూ అందరిలోనూ తన ఎనర్జీ నింపే ఈ హీరో మొన్ననే క్రూరమైన అలాఉద్దీన్ ఖిల్జీ ఎలా ఉండేవాడో పద్మావత్ సినిమా ద్వారా మనకు కళ్ళకు కట్టినట్టు చూపించాడు. ఇప్పుడు జోయ అక్తర్ దర్శకత్వంలో గల్లీ బాయ్ అనే సినిమాలో నటిస్తున్నాడు. ఇందులో స్టార్ హీరోయిన్ అలియా భట్ మొదటిసారి ఈ సినిమా ద్వారా రణ్వీర్ తో జత కట్టబోతోంది. ఈ సినిమా షూటింగ్ ముంబై లోని బాంద్రాకు సమీపంలో ఉన్న ధారావి అనే ఒక ఏరియాలో జరుగుతుంది.

ఈ విషయం తెలుసుకున్న ఫాన్స్ అంతా ఆఘమేఘాల మీద అక్కడికి వచ్చి హీరోతో ఫోటోలు దిగడానికి ప్రయత్నించారు. కానీ రణవీర్ మాత్రం అందరూ లైన్లో నిలబడాలని, ఒకరి తర్వాత ఒకరు వచ్చి ఫోటో దిగాలని చెప్పడంతో వారు కూడా అలానే చేశారు. వయస్సుతో సంబంధం లేకుండా అలా అందరూ స్కూల్ పిల్లలలాగా లైన్లో నిలబడి ఉండటం చూస్తే ఎవరైనా నవ్వాల్సిందే.