#వ‌కీల్ సాబ్ .. తిరుప‌తి థియేట‌ర్ల వ‌ద్ద ఫ్యాన్స్ గ‌డ‌బిడ‌‌

వ‌కీల్ సాబ్ రిలీజ్ ముందు ట్విస్టు గురించి తెలిసిందే. నేడు రిలీజ‌వుతున్న ఈ సినిమా టికెట్ రేట్లు పెంచి అమ్మ‌డాన్ని నిషేధిస్తూ కోర్టు ఉత్త‌ర్వులు జారీ చేయ‌డంతో దానిని ఏపీ ప్ర‌భుత్వం విధిగా అమ‌లు చేయాల్సి రాగా.. చాలా చోట్ల టిక్కెట్లు కొనుక్కున్న అభిమానుల్లో క‌న్ఫ్యూజన్ వాతావ‌ర‌ణం క‌నిపించింది. బెనిఫిట్ షోల సంగ‌తి అలా ఉండ‌గానే సాధార‌ణ షోల‌ కోసం టిక్కెట్లు కొనుక్కున్న అభిమానుల‌కు చాలా థియేట‌ర్లు తిరిగి టికెట్ డ‌బ్బులు వెన‌క్కి ఇస్తున్నామ‌ని త‌మ‌కు నోటీసులు అందాయ‌ని చెబుతున్నా ప‌వ‌న్ ఫ్యాన్స్ విన‌ని ప‌రిస్థితి నెలకొంది. ఏపీలో ఇది ఊహించ‌ని ప‌రిణామం కావ‌డంతో మేక‌ర్స్ కి థియేట‌ర్ య‌జ‌మానుల‌కు త‌ల‌నొప్పులు త‌ప్ప‌లేదు.

పవర్ స్టార్ పవన్ కళ్యాణ్ మూడేళ్ల తర్వాత `వకీల్ సాబ్`తో అభిమానుల ముందుకు వ‌స్తుండ‌డంతో క్రేజ్ ప‌తాక స్థాయికి చేరుకుంది. సుమారు 700 థియేట‌ర్ల‌లో వ‌కీల్ సాబ్ రిలీజ‌వుతోంది. ఈ నేప‌థ్యంలో అభిమానులు థియేట‌ర్ల ముందు గుమిగూడారు. అయితే తిరుప‌తి థియేట‌ర్ల వ‌ద్ద ఉద్రిక్త ప‌రిస్థితి నెల‌కొన్న ఫోటోలు అంత‌ర్జాలంలో వైర‌ల్ అవుతున్నాయి.

వకీల్ సాబ్ ఫ్యాన్స్ కోసం నిర్ధేషించిన బెనిఫిట్ షోల‌ను ప్రదర్శించక‌పోగా సాధార‌ణ షోలు కూడా వేయ‌క‌పోవ‌డంతో ఉద్రిక్త‌త నెల‌కొంది. త‌మ‌కు నోటీసులు జారీ అయ్యాయ‌ని డ‌బ్బులు వెన‌క్కి ఇస్తామ‌ని థియేట‌ర్ యాజ‌మాన్యం ప్ర‌క‌టించినా కొంద‌రు అభిమానులు శాంతించ‌క థియేట‌ర్ల‌పై రాళ్లు రువ్వ‌డంతో కొన్నిచోట్ల ఉద్రిక్త ప‌రిస్థితి నెల‌కొంది. ఈ ఘ‌ట‌న‌లో ఓ థియేట‌ర్ అద్దాలు పాక్షికంగా దెబ్బ తిన్నాయ‌‌ని తెలుస్తోంది.