#ఫ‌రాఖాన్.. నాడు కింగ్ తో నేడు చైత‌న్య‌తో

భూమి గుండ్రంగా తిరిగి చివ‌రికి మొద‌టి గ‌మ్య‌ స్థానానికే చేరుతుంది. త‌న చుట్టూ తాను భ్ర‌మిస్తూ విశ్వ‌మంతా చుట్టేస్తూ తిరిగి త‌న తొలి పాయింట్ కి చేరుతుంది. ఇప్పుడు నా లైఫ్‌ అలానే ఉంది! అంటూ ఆనందం వ్య‌క్తం చేసారు బాలీవుడ్ సీనియ‌ర్ కొరియోగ్రాఫ‌ర్ .. దర్శ‌కురాలు ఫ‌రాఖాన్. అక్కినేని హీరోల‌తో త‌న అనుబంధం గురించి ఫ‌రా ఎంతో ఎగ్జ‌యిట్ అవుతూ వెల్ల‌డించారు.

దాదాపు 25 ఏళ్ల క్రితం కింగ్ నాగార్జున‌కు కొరియోగ్ర‌ఫీ అందించాను. ఇప్పుడు ఆయ‌న వార‌సుడు నాగ‌చైత‌న్య‌కు కొరియోగ్ర‌ఫీ అందిస్తున్నాను. ఇది ఒక క‌మ‌ర్షియ‌ల్ ప్ర‌క‌ట‌న కోసం! అని ఫ‌రాఖాన్ సోష‌ల్ మీడియాల్లో వెల్ల‌డించారు. నాగ‌చైత‌న్య‌తో క‌లిసి ఉన్న‌ప్ప‌టి ఫోటోని ఫ‌రా షేర్ చేశారు.

నాగ చైతన్య ప్రస్తుతం శేఖ‌ర్ క‌మ్ముల ద‌ర్శ‌క‌త్వంలో ల‌వ్ స్టోరిలో న‌టిస్తున్నారు. సాయి పల్లవి క‌థానాయిక‌. ఈ రొమాంటిక్ ఎంట‌ర్ టైన‌ర్ త్వ‌ర‌లో థియేట‌ర్లలోకి రానుంది. అలాగే విక్ర‌మ్ కె కుమార్ ద‌ర్శ‌క‌త్వంలో థాంక్స్ అనే చిత్రంలో నాగ‌చైత‌న్య న‌టిస్తున్నారు. ఇంత‌కుముందు సెట్స్ నుంచి లీకైన ఫోటో చూడ‌గానే.. మ‌హేష్ కి అభిమానిగా చైత‌న్య న‌టిస్తున్నార‌ని అర్థ‌మైంది. ప్ర‌స్తుతం ఫ‌రాఖాన్ నిర్ధేశ‌నంలో వాణిజ్య ప్ర‌క‌ట‌న‌లో న‌టిస్తున్న చైతూ ఫ‌రా దర్శ‌క‌త్వంలో ఏదైనా పూర్తి సినిమా చేస్తారా? అని అక్కినేని అభిమానులు ప్ర‌శ్నిస్తున్నారు. చైత‌న్య ఆన్స‌ర్ ఏమిటో!